Mittarfissat: Allannguutissatut siunnersuut itigartinneqarpoq
IA-p allannguutissatut siunnersuummik saqqummiussinissamut siunnersuutini iluatsinngilaa
Allannguutissatut siunnersuummik oqaasertalersuisoqarniassammat Inuit Ataqatigiit ataatsimiittarfimmi isumaqatiginninniarnerit unitsinneqarnissaannut qinnuteqaataat, Inatsisartuni amerlanerussuteqartut itigartitsissutigaat.
Mittarfiit kittaartumik tulleriiaarlugit sanaartorneqarnissaat, IA-p oqaaseqartartuata Aqqaluaq B. Egedep siunnersuutigaa.
Inatsisartut suleriaasianni malittarisassani allaqqavoq, ilaasortaq kinaluunniit allannguutissatut siunnersuummik saqqummiussisinnaasoq. Tamatuma kingorna Inatsisartut aalajangissavaat, siunnersuummut aalajangersimasumut oqaasertaliinissamut piffissaqarumalluni ataatsimiinneq unitsinneqassansersoq. Tamannalu amerlanerussuteqartut akuerinngilaat.