Mittarfissat pillugit nunaqarfinnut qanoq sunniuteqassanersoq apeqqutigineqarpoq
Mittarfiliortiterneq nunaqarfinnut illoqarfinnullu mikinerusunut qanoq sunniuteqassava? Aqqaluaq B. Egedep tamanna aningaasaqarnermut naalakkersuisumut Pele Brobergimut apeqqutigaa
Mittarfiit sananeqartussat pillugit Inatsisartuni ataatsimiittoqarnerani partiit apeqquteqaqattaarput. Aqqaluaq B. Egede (IA) maanna paragraf 37 naapertorlugu mittarfinnut tunngatillugu manna apeqquteqarpoq.
Aqqaluaq B. Egede sisamanik apeqquteqarpoq, tassani nunaqarfiit illoqarfiillu minnerusut qanoq aningaasarsiornikkut iluaqutaassasoq apeqquteqaatigaa.
- Aningaasaqarnermut Naalakkersuisup apeqqutigaara, mittarfinnik nutaanik sanaartornerup malitsigisaannik angallattut marloriaammik amerlinissaannik ilimasunneq eqquutinngitsoorluni angallattut ullumikkutut amerlassuseqaannassappata, tassa 70.000-it missaanniiginnassappata aningaasartuutaanerusussat qanoq annertutigissappat? Inuiaqatigiit aningaasatigut qanoq eqqorneqassappat?, ilaatigut apeqqutigaa.
Apeqqutaasa ilaat aamma ima oqaasertaqarpoq:
- Aningaasaqarnermut Naalakkersuisoqarfiup qulaajarsimanerpaa Narsarsuarmi kangerlussuarmilu inuit aningaasarsiorfippassui atorunnaarsinneqartussat aningaasarsiornikkut illersorsinnaajumalluni nutaanik taartissaqanngippata qanoq aningaasaqarnikkut sunniuteqassanersut?
Mianersorfissat qulaajaaqqissaarsimanissarlu akissuteqaammi pingaaruteqartut erseqqissaatigaa.