Mittarfinnut pilersaarut Ilulissanut ajorluinnarpoq
Akunnittarfiutillip takornarialerisullu Arne Niemannip mittarfissuaq Nuummut nuunneqassappat aningaasartuutissat ernumassutigai
Mittarfinnut pilersaarut Ilulissani akunnittarfiutilinnik aningaasaliisunillu nalorninartorsiortitsivoq. Tamanna Sermitsiap takornarialerisunik apersuinerata takutippaa.
Arne Niemann, Iluissani ingerlatsivinnik Ice Cap Toursimik, Cafe Iluliamik aamma illoqarfiup qeqqani Brasserie Ice Capimik piginnittoq, sivisuumik pilersaaruteqarsimavoq akunnittarfimmik angisuumik 80-inik initalimmik sananiarluni, sananissaminullu kommunimit qangali akuerineqarsimavoq.Utaqqimaarallarporli:
Akunnittarfinni init piumaneqartut
– Angallatileruttornerup nalaani akunnittarfiit inissaqartitsinerannit inissanik amerlanerusunik ujartuisoqalereernikuuvoq, taamaattumik inissat amerlinissaannut tunngavissaqarpoq, sananissaali aallartitsinnagu piffissaq takoqqaalaassavara.
– Isumaqarpunga mittarfik 1200 meterinik takissusilik Ilulissanut naammassasoq. Illoqarfimmut ajorluinnassaaq angallatileruttornerup avataani takornariat Nuuk aqqusaaqqaartalissappassuk, Niemann oqarpoq, taannalu isumaqarpoq Atlantikoq qulaallugu Kangerlussuarmut timmisartuussisarneq Nuummut nuunneqarpat Ilulissiarneq akisunerulissasoq, tamannalu Ilulissani nalinginnaasumik aningaasartuutinik qaffatsitsissasoq.
Allaaserisaq tamaat Sermitsiami uani sapaatip-akunneranneersumi, ippassaq tallimanngornermi saqqummersumi atuaruk. Aviisi uani pisiariuk: