video
Mittarfinnut nutaanut misileraalluni qaartitsinerit siulliit takukkit
Mittarfittaassanut misissueqqaarnerit aallartipput
Nuummi mittarfiup eqqaani aamma Ilulissani mittarfiup eqqaani qillerisoqarlunilu qaartitserpaluttoqareerpoq. Naalakkersuisorlu ataaseq ilulissaneeqqammerpoq.
Tamatumunnga Nuummi, Ilulissani aamma Qaqortumi mittarfissaasinnaasunut misissueqqaarnerit aallarteruttornerat pissutaavoq.
Atuaruk: Nuuk Ilulissallu Kalaallit Nunaannut isaaffinngussapput
Misissuinermut programmi assigiinngitsorpassuiarnik misissuinertaqassaaq, sanaartornissamullu tunngaviliisuussalluni.
Silaannarmit uuttortaanerit
Ilaatigut silaannarmit uuttortaasoqarnikuuvoq. Asiamit teknikerit mittarfissat nutaat sumiiffiit assitaqarnissaat iluamillu uuttortarneqarnissaat qulakkeerniarlugu suliaqarsimapput.
Atuaruk: Mittarfiit pingasut Kalaallit Airportsimut katersuuttut
Qaarsoq mittarfiliutigalugu
Qaartiterinerit qaarsumik misissuinermut atorneqassapput, qaarsoq immiutissatut aamma asfaltiliornermut qalliutissamut akussatut naleqqunnersoq paasiniarneqassaaq.
Attaveqarnermullu naalakkersuisup Knud Kristiansenip (A) Ilulilissani qaartiterinerit isiginnaarpai.
- Maanna aallartilluarnerput tulluusimaarutigisorujussuuara. Qaartitsineq siulleq tassunga sakkortuumik ilisarnaataavoq, taanna oqarpoq.