Mittarfinnut naappallaannut mianersoqqusisoq

Naalakkersuisut siunniunnikuuaat nutaanik mittarfiliortoqarneratigut angallannermik annertusaassallutik. Nuna ataqatigiinnerulersissavaat taamatullu ineriartornissamut periarfissaqarnerulersitsissaaq aamma aningaasarsiornikkullu siuariartitsilluni. Mittarfiimmigoooq. Qanoq takissuseqassappat anguniakkat siunniussat anguneqassappata.

Siumumit Inatsisartuni sanaartornermut ataatsimiititaliami ilaasortaq, Jens-Erik Kirkegaard, mittarfinnut 1799 meterisut takissusillit mianersoqqussutigai, ilaatigut taamaattumik Ilulissani siunnersuuteqartoqarnikuuvoq.

Tamanna ataavartussaanngitsumik milliuunerpassuarnik nalilimmik aningaasaliierusinnaavoq. Tassami timmisartunit minnerusunit kisimi atorneqarsinnaapput. Piffissamilu maanna timmisartuusseqatigiiffiit anginerit timmisartunik annernik aamma akikinnernik sanaartornissartik aalajangiusimapput.

- Mittarfik 1799-seq annikittuinnarmik billitsit akii appaallatsissagai ilimanarsinnaavoq. Ullumikkumiit takornariaqarneq aamma malunnaatilimmik siuariartikkunnanngilaat, qanoq ullumikkumiit allanngungaarunnanngitsoq malunnaatilimmik siuariartitsissagamik?

- Taavami? Taava pitsaanerpaajuvoq minnerpaamik 2199 meterimik takitigisoq, 2800-3000 meterimut tallinissamut periarfissalerlugu Ilulissani sananeqarnissaa, Jens-Erik Kirkegaard oqarpoq.

Taanna Naalakkersuisunut kajumissaarivoq, timmisartuusseqatigiiffiinnut Kalaallit Nunaanni timmisartuussinissamut soqutiginnittunut attaveqaqqullugit, aammalu tusarniarlugit mittarfiit qanoq ittut iluarinerussaneraat aningaasanik iluanaaruteqartoqassappat.

Jens-Erik Kirkegaardip mianersoqqussutaa oqallissaarummi annerusuminngaanneerpoq, uani sapaatip akunnerani AG-mi saqqummertumi atuarneqarsinnaavoq. Aviisi pisiniarfinni imaluunniit uani e-aviisitut pisiarisinnaavat:

AG Uge 28 2015

Klik her for at læse