Mittarfeqarfiit
Mittarfinni aputaajaasarneq sukateriffigineqalerpoq
Nuummi timmisartup Dash-8-p Nuummi minnermini ajutoornerata kingunerisaanik Mittarfeqarfiit aputaajaatinik pitsanngorsaataasussanik pisipput
Aputaajaanermut atortorissaarutit pitsaaneusut.
Kiisalu pilotinut pitsaanerusumik mittarfiup sarajassusaanik paasissutissiisinnaalerneq.
Aamma mittarfiit miffigineqarsinnaassanngippata aalajangersinnaaneq.
Tamanna Mittarfeqarfinnit isumagineqarpoq.
Nuummi timmisartup tikereernerani saraanneranut atatillugu ajutoortoqarsimatillugu misissuisartunit siunnersuutigineqartoq suliffeqarfimmit malinneqarpoq.
Siunnersuutit
Ajutoortoqarsimatillugu misissuisartuniimmi siunnersuutigineqarpoq aputaajaasarneq pitsaanerusariaqartoq.
Tassami ajutoortoqarnerani mittarfik tamaat aputaajarneqarsimanngilaq, aamma atortorissaarutinik amigaateqartoqarsimavoq.
Aputaajaat ataasiinnaavoq, taannalu ullutsinnut naleqqukkunnaarsimavoq, nassami mittarfiup qanoq sarajatsiginera eqqortumik nalunaarutigisinnaanngilaa.
Pitsanngorsaanerit
Angallannermut Naalakkersuisoqarfik suleqatigalugu Mittarfeqartiit atortorissaarutinik naleqquttunik pisisimasoq, Mittarfeqarfinni attaveqaqatigiinnermut pisortaata Hans Henrik Lichtenbergip oqaatigaa.
- Atortorissaarutinik pitsaanerusunik peqalerneratigut Mittarfeqarfiit sullissinerat aamma pitsaanerulissaaq aalaakkaannerulissallunilu. Soorlu ukiumi pitsaanerusumik sulisoqartalissaaq, ilisimatitsivoq.