Mittarfiliortiternissat pillugit USA ilisimatinneqartoq
Kangerlussuup siunissaa iluamik qulaajarneqartinnagu, Amerikamiut qisuariaataat nalileruminaappoq
Mittarfiup maanna 2.810 meteriusup 1.500 meterinut naannerulersinneqarneratigut imaluunniit mittarfissuup qulimiguulinnut mittarfinngortinneqarneratigut, Danmarkip, Kalaallit Nunaata aamma USA-p isumaqatigiissutaannut 1991-imeersumut, Amerikamiut sakkutuuisa sumiluunniit akornusersorneqaratillu Kangerlussuarmik atuisinnaanerannut sunniuteqassaaq.
Sermitsiaq allappoq.
- Amerikamiut sakkutuuisa Kangerlussuarmi mittarfimmi atortut ilaannikkuinnaq angalaartillutik aamma sungiusartillutik imaluunniit ajutuulernermut atatillugu atorsinnaavaat, isumaqatigiissummi taama allassimavoq.
Nunanut allanut tunngasunut ministeeriaqarfiup Københavnimi Asiatisk Pladsimiittup Sermitsiamut naatsumik mailikkut uppernarsarpaa, kalaallit mittarfeqarnikkut tallileriniarnerannut tunngasunik Danmarkip/Kalaallit Nunaata Amerikami oqartussat paasissutississimagaat.
Taamaalilluni USA-p qisuariaateqarnissaa utaqqimaarneqarpoq. Kalaallit mittarfiliortiternissanut pilersaarutaannut tunngasunik Amerikamiut Københavnimi aallartitaqarfiannit oqaaseqartitsinissaq Sermitsiamit sulissutigineqarpoq.
Allaaserineqartoq aviisimi Sermitsiami atuarneqarsinnaavoq. Aviisi uani pisiariuk: