Mittarfik nutaaq: Nuummi politikerit ingerlaaqatigiitsitsilersut
Mittarfinnut pilersaarutit Inatsisartuni akuerineqarnissaannik, taamaliornikkut Nuummi 2.200 miiterisut takitigisumik mittarfittaarnissamik, oqariartuuteqarlutik, partiit sisamat illoqarfiit pingaarnersaanni sisamanngorpat ingerlaaqatigiitsitsilerput.
Naak mittarfiliortiternissamut pilersaarutit maannatut isikkoqartillugit IA-p isumaqatiginngikkaluaraat, taamaattoq najugarisami politikerip Inge Olsvig Brandtip mittarfimmik talliliinissamik isumaqataanerminik nittarsaassinissani ajornartussaqartinngilaa.
Periarfissaq kingulleq
Siumut, Demokraatit Atassullu najugarisani immikkoortortatut ingerlaaqatigiinnermik aaqqissuusseqataapput, ingerlaaqatigiinneq sisamanngorpat ullaakkut aqqanermut qiteqquppat aallartissaaq, kommunip allaffiata eqqaaniit Inatsisartut silataannut ingerlaaqatigiittoqassalluni, mittarfinnut pilersaarut pillugu pingajussaaneerinnillutik Inatsisartut ataatsimiilernerisa nalaanni ingerlaaqatigiittoqassalluni.
Inge Olsvig Brandt (IA), Niels Boassen (S), Anna Wangenheim (D) aamma Mette-Sofie Jørgensen(A) ataatsimoorlutik tusagassiutinut ima nalunaaruteqarput:
- Aningaasaqarnikkut ineriartortitsinissamut tunngaviliilluarnissaq pisariaqartilluinnarparput. Taamaattumik pingaaruteqarluinnarpoq Nuummi mittarfiup tallisarneqarnissaanut aningaasaliisoqarnissaq, taamaaliornerummi malitsigissammagu inuiaqatigiit atugarissaarnerulernissaannut pilersitsineq.
Toqqissisimanarnerusoq
Politikerit sisamaasut ilaatigut tikkuarpaat:
- Angallanermi aningaasartuutit appassapput, aammalu angallanermi piffissat sivikinnerulissallutik. Minnerunngitsumillu Nuummiit Danmarkimut napparsimaveqarfissuit akornanni immikkut ittunik katsorsaavinnut, aammalu rigshospitalimut toqqaannartumik angallassisarneq pilersinnaqassalluni, tamassumalu kingunerisaanik napparsimasunik angallassisarnerit sillimaniarnikkut toqqissisimanarnerulissallutik.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...