Skip to main content

Mittarfiit: Kielsenip aamma Løkkep sammisaq mianernartoq oqaluuserisassanngortikkaat

Savalimmiuni naalagaaffeqatigiinneq pillugu ataatsimiinneq nangeqqillugu, statsministeri Lars Løkke Rasmussen aamma Naalakkersuisut siulittaasuat Kim Kielsen pingasunngornermi Københavnimi ataatsimiissapput.

Savalimmiuni naalagaaffeqatigiinneq pillugu marlunngornermi ataatsimiittoqarnerani nunanit allanit naalagaaffeqatigiinnermi aningaasaliisarnerit sammisat ilagaat.

Sammisaq ingammik Nunatsinnut attuumassuteqarpoq. Taamaattumillu statsministerip Lars Løkke Rasmussenip (V) aamma Naalakkersuisut siulittaasuata Kim Kielsenip (S) kalaallit mittarfinnut pilersaarutaat pillugit oqaloqatigiinnerit pingasunngornermut Københavnimut kinguartinniarlugit aalajangerput.

- Danmarkip arlaatigut tamatumani suliniuteqartikkusuppara. Tassami Kalaallit Nunaata aningaasaliinikkut kivitsisoqarnissaanik pisariaqartitsinera ataqqilluinnarpara, Lars Løkke Rasmussen KNR-imut taama oqarpoq.

Sammisaq mianernartoq

Kinamiut ingerlatseqatigiiffiat China Communications Construction Company (CCCC) naalagaaffimmit pigineqartoq Nuummi, Ilulissani Qaqortumilu mittarfiliortiternissamut suliarinninniarnissamut anngunnikuuvoq.

Tamanna danskit naalakkersuisuinik ernumatitsivoq. Sammisaq piffissami kingullermi Folketingimi oqaluuserineqartorujussuuvoq, inaarutaasumik oqallinnermi, naalagaaffeqatigiinneq pillugu apeqqarissaarnermi aamma isumasioqatigiinnermi.

Nunani allani ingerlatseqatigiiffiit Kalaallit Nunaanni attaveqaqatigiinnermut sunniuteqarpallaalernissaat pillugu, Naalagaaffeqatigiinneq pillugu oqallinnermut atatillugu statsministerip ernummatigisani oqaatigaa.

Naalagaaffeqatigiinneq pillugu marlunngornermi ataatsimiittoqarnerani Lars Løkke Rasmussenip taamatut ernumassuteqarnini oqaatigeqqippaa.

- Apeqqutit peqqissaartumik ingerlatsinissamut sillimaniarnermullu tunngasut ilaatigut eqqartorpagut. Aamma nunanit tamalaanit aningaasaliinerit ammaffiginissaasa nunamilu attaveqarnerup paarilluarneqarnissaa pillugu qanoq oqimaaqatigiissitsiniartoqarsinnaanersoq eqqartorparput, ministeriuneq Lars Løkke Rasmussen nalaagaaffeqatigiinneq pillugu ataatsimiinnerup kingorna tusagassiortunik katersortitsinermi KNR-ip allaaserisaa naapertorlugu taama oqarpoq.

Immikkut ataatsimiinneq tulluartoq

Oqaloqatigiinnerullu nunat akornanni oqartussaaffinnik agguataarineq ataqqillugu ingerlanneqarnissaa politikerit pingasut naqissuserpaat, KNR taama allappoq.

Kim Kielsenip pingasunngornermi ataatsimiinnerminni Lars Løkke Rasmussenilu oqaluuserisassatik itisilerusunngilai. Naalagaaffeqatigiinneq pillugu ataatsimiinnermi tamanna tulluanngitsoq taanna oqarpoq.

Namminiilivinnissamut ingerlaneq

Kalaallit Nunaanni inatsisit suliarineqartut tamarmik maanna Kalaallit Nunaata namminiilivinnissaanut anguniagaqartut, Kim Kielsenip Kringvarp Føroyamut oqaatigaa.

- Atassuteqaatit tamaasa kipineqarnianngillat. Kalaallit Nunaat aningaasaqarnikkut imminut napatittunngussaaq. Imaassinnaasoq Savalimmiut aamma Danmark suleqatigineqartut, kisianni uagut angerlarsimaffitsinni aalajangiisuussaagut, Kim Kielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER