Mittarfiit: Amerikarmiut pilersaarutaat pillugit Kim aamma Vivian nassuiaateqassapput

Nunanut Allanut Sillimaniarnermullu Ataatsimiititaliaq Kalaallit Nunaanni illersornissaq pillugu amerikamiut aningaasaliissutaat pillugit siunersiuinermut qaaqquisivoq

Nunanut Allanut Sillimaniarnermullu Ataatsimiititaliap Naalakkersuisut Siulittaasuat kiisalu Ilinniartitaanermut, Kultureqarnermut, Ilageeqarnermut Nunanut Allanullu Naalakkersuisoq siunersiuinermut qaaqquai.

USA-p nunanut allanut ministeriaqarfiata Kalaallit Nunaanni mittarfiliornissamut aningaasaliiniarnerat pissutaalluni pissutaalluni taamatut siunersuinermut qaaqqusisoqarpoq.

- Siunersiuineq amerikamiut siunniussamik nalunaarutaannik erseqqinnerusumik oqallisiginninnermut atorneqassaaq, tamatumani ilaatigut nalunaaruteqarnerup nassataanik immikkuualuttunik naalakkersuinikkut isumaqatigiinniutiginninnerit pillugit apeqquteqarnissaminut attaatsimiititaliaq periarfissaqassalluni, Nunanut Allanut Sillimaniarnermullu Ataatsimiititaliami siulittaasoq Aleqa Hammond (NQ) allappoq.

- Isumaqatigiinniarnernut piffissaq atorneqartussaq kiisalu Kalaallit Nunaanni illersornissakkut amerikamiut aningaasaliissutigisinnaasaasa aningaasaqarnikkut illersornissakkullu kingunissaat ataatsimiititaliamit immikkut soqutiginartinneqarput

Amerikamiut aningaasaliissuteqarsinnaanerannut paasissutissat ilaat isertuussassatut ataatsimiititaliamut tunniunneqarsimammata ataatsimiinneq siunersiuinertut matoqqasutut ingerlanneqassaaq.

Amerikamiut Kalaallit Nunaanni illersornissakkut aningaasaliissuteqarnissamik siunniussamik nalunaaruteqarnerannut kiisalu tamatuma malittuanik amerikamiut siunniussamik nalunaarutaannik kunngeqarfiup Danmarkip Kalaallit Nunaat ilanngullugu ilassinnilluarneranik imaqartumik danskit kalaallillu ulloq 17. september tusagassiorfinnut nalunaarutaannut malitsitut siunersiuisoqassaaq.

Powered by Labrador CMS