mittarfiit

Mittarfiit tallineqarnissaat nukingiunneqarpoq

Nuummi, Ilulissani Qaqortumilu mittarfinnut suliniutit Aningaasanut Ataatsimiititaliap aallartisalerpai, IA akerliliigaluartoq. Aamma aningaasaqarnermut siunnersuisoqatigiit siulittaasuat nangaanartoqartitsivoq

Aningaasaqarnermut Naalakkersuisup Randi Vestergaard Evaldsenip erseqqissarpaa mittarfiit tallineqarnissaat Inatsisartut akuersissutigereeraat, inatsisartunilu tamanna oqaluuserineqaqqissanngitsoq

Nuummi, Ilulissani Qaqortumilu mittarfiit tallineqassanersut Inatsisartuni oqaluuserineqaqqissanngilaq.

Tamanna takuneqarsinnaavoq sanaartornermut selskabimik pilersitsinissamik Naalakkersuisut saaffiginnissutaat Aningaasaqarnermut Ataatsimiititaliaata akuersissutigimmagu, selskabilu taanna ingerlaannavik 200 millioner koruuninik tunineqarpoq aammallu landskarsimit suli 100 millioner koruuninik taarsigassarsisinnaalluni.

Inatsisartut akulerutsinnagit

Selskabi ingerlaannavik siulersuisunut ilaasortanik, qullersanik sulisunillu, suliassamut ilisimasalinnik atorfinitsitsilluni aallartissaaq. Taakkua mittarfinnut pingasunut suliniutinut taakkununnga pilersaarusiussapput, akissaanut missingersuusiussallutik aammalu sanaartornermut aningaasartuutissat milliardinik amerlassusillit sinnerisa qanoq pissarsiarineqarnissaannut periusiussallutik.

Tamatuma kingorna sanaartornermut selskabi aningaasaliinissamut isumaqatigiissuteqarnissaanut akuerineqassaaq, taavalu qaartiterilluni sanaartorlunilu aallartissinnaalissalluni. Aningaasaqarnermullu Ataatsimiititaliaq naapertorlugu tamatuminnga Inatsisartut apereqqinnissaat pisariaqanngilaq.

Oqaluusereqqinnagu

Aningaasaqarnermut Naalakkersuisup, Demokraatineersup Randi Vestergaard Evaldsenip, AG-mut uppernarsarpaa piffinni nutaani anaartornermik suliniutit annersaata, tassa mittarfinnik sanaartornerup, aallartinneqarnissaata oqaluuserineqaqqinnissaa naatsorsuutigineqassanngitsoq.

Taarsiullugu Aningaasaqarnermut Ataatsimiitditaliaq, naalakkersuisoqatigiinni pissaanermik tigumminnittoq, kisermaassilluni aalajangiissaaq.

Aningaasaqarnermulli Siunnersuisoqatigiit siulittaasuata Torben M. Andersenip apeqquserpaa mittarfinnut suliniut akilersinnaanersoq.

Allaaserisaq tamaat AG-mi sapaatip akunnerani saqqumersumi, ullumi pisiniarfinni pisiarisinnaasanni atuaruk. Aamma aviisi pisiarisinnaavat ugguuna:

Powered by Labrador CMS