Wednesday, September 13, 2017 - 11:28

Mittarfiit nutaat allamiunit sanaartorneqassapput

Assi.: Kalaallit Airports
Mittarfinnik nutaanik sanaartortussat amerlasuut nunanit allaneersuussapput, akileraartarnermut aningaasaqarnermullu naalakkersuisoq, Aqqaluaq B. Egede taama ilisimatitsivoq.

Illoqarfiit pingaarnersaanni suliniut annertooq aamma mittarfiup tallineqarnerani sanaartorneq Nuummi siuariartornermut akornutaassasoq, Nationalbankenip kingullermik misissueqqissaarnermini aarlerisaarutigaa, akissarsiatigut tatisimannittoqalernissaa pissutigalugu. Naggataagullu suliniutit pilersaarutaasumit akisunerulersissallugit, taama aarlerisaaruteqartoqarpoq.

Ernumassutaasoq isumaqatigineqanngilaq
Tamanna ernumassutaasoq Aqqaluaq B. Egedemit isumaqataaffigineqarpallaanngilaq, Randi Vestergaard Evaldsenimut Demokraatineersumut akissummi tamanna atuarneqarsinnaavoq. Suliniutit taakku marluk sanaartornermik suliaqartunut ilungersortitsissasut nassuerutigaa, tassami ullumikkut piginnaasatigut amigaateqarfigineqarput, kisianni Demokraatit siulittaasuat ima eqqissisarpaa:

- Pingaartumik Kalaallit Airports AIS-mi naatsorsuutigineqarpoq sanaartortitsinermi suliassat arlalissuit, nunanit allanit sulisoqarluni suliarineqassasut, taamaasilluni naatsorsuutigineqarsinnaalluni nunanut allanut neqorooruteqartitsisinnaaneq. Tamanna ilaatigut siunertaqarpoq, sanaartortoqarpallaalemissap pinngitsoortinniamissaata, saniatigullu aningaasartuutissat annertussusaasa appasitsinniamissaannik. Taaneqartoq kingulleq angalasussanut aningaasaliinissamut aningaasartuutissat annikitsumiitissavaat, angallattunut iluaqutaasussamik, Aqqaluaq B. Egede akissummini allappoq.

Aamma atuaruk: Nationalbankip Nuummi suliniutit annertuut marluk navianartoqarnerarpai

Mittarfissat nutaat pingasut imminut akilersinnaannginnissaat, nunap aningaasaqarneranut akisussaasup ernumassutiginngilaa. Illuanik nunap ataatsimut aningaasaqarnera nukittortissanerarpaa.

Assartuinermut aningaasartuutit ikinnerusut
- Mittarfiit allissutissaannut apeqqummut tunngasumut, takomariaqameq malunnaatilimmik annertuseriassasoq aammalu inuutissarsiomikkut, kiisalu innuttaasunut angallassinenni aningaasartuutinut annikilleriartissasoq Naalakkersuisut qularinngilaat. Taamatuttumillu aamma pisariaqassaaq, suliassaqarfittut allatullu tapersiinissaa, ataatsimoortumillu angingaasarsiomennut qaffassaaqataalluni, Aqqaluaq B. Egede allappoq.

Seneste nyheder / Nutaarsiassat kingulliit