Skip to main content

Mittarfeqarfiit: Sulisut qimarranneranni mittarfiit matusinnaapput

Ilulissani, Nuummi aamma Qaqortumi mittarfissat sananeqarneranni Mittarfeqarfinni sulisut qimarrassinnaanerat Mittarfeqarfinnit ernummatigineqarpoq. Qimarrattoqassappat mittarfiit allat ingerlanneqarsinnaanerat ernummatigineqarpoq.

Nunatsinni timmisartuussinikkut aaqqissuussaaneq qanorpiaq ittuussanerata nalornissutigineqarnerani Mittarfeqarfiit eqqorneqarput. Ilaatigut atorfinnut pingaarutilinnut inuttaliiniarnermikkut ajornartorsiormata.

Nalunaarutigineqartut taakkua Mittarfeqarfiit angallannermut naalakkersuisoqarnermut tusarniaassummut akissutaani takuneqarsinnaapput. Sulisut siunissaat pillugu nalornineq piaartumik inissinneqartariaqarpoq, Mittarfeqarfiit tusarniaanermut akissuteqarlutik allapput.

Suliassanut neqerooqqusaanngillat

Mittarfeqarfiit mittarfissanut Kalaallit Airport-imit akisussaaffigineqartunut suliassanik neqeroorniarlutik ukiarmi ukioq mannalu piareersaasiuleraluarput.

Mittarfeqarfinnillu tupaallaatigineqartumik Namminersorlutik Oqartussanit ilisimatinneqarput taama piareersaateqarnertik unitsissangaat. Sinneqartooruteqarfiunngitsumik ingerlatsivittut inissisimanertik pillugu Mittarfeqarfiit suliffeqarfinnut allanut unammillissanngitsut ilisimatinneqarsimasut, tusarniaanermi akissummi takuneqarsinnaavoq.

Suliffeqarfik suliassanut neqeroorsinnaanngippat, taava tamanna Ilulissani, Nuummi, Narsarsuarmi aamma Kangerlussuarmi sulisuminik soraarsitsisariaqarneranik kinguneqartussaassasoq ilimanarpoq. Tamatumalu saniatigut aamma qullersaqarfimmi sulisunik amerlanngitsunik, tusarniaanermi akissummi allapput.

Suliffiit nunatta avataanut 

Mittarfeqarfinniit akissutigineqartut naapertorlugit tamatuma kingunerissavaa ‘Nunatta suliffiit nunanut allanut annaassagai, soorlu aamma sulisut amerlassusaat taaneqanngitsut suliffeerunnissaannik kinguneqassasoq’, Mittarfeqarfiit akissutaanni taama atuartoqarsinnaavoq.

Mittarfeqarfinnit nalilerneqarpoq akissaajaataasumik aamma Inatsisartut kissaataannut uniuisumik  Kalaallit Airportip ataani aamma suliffeqarfimmik pilersitsisoqassasoq, Mittarfeqarfiit ingerlataasa assiginik suliaqartussamik.

Aningaasartuutit tammarunnanngitsut

- Mittarfeqarfiit aningaasartuuteqarput aamma aningaasartuuteqartuarallassapput sulisut inatsisit atuuttut naapertorlugit ilinniartinneqarnerannut. Atorfiit immikkut piginnaasaqarfiusussat pineqarput, taamaattumik atorfiit ikiliisiinnarneqarsinnaanngillat Mittarfeqarfiit mittarfissanut nutaanut kiffartuussinianngippata, mittarfiimmi allat ingerlanneqartussaammata, Mittarfeqarfiit tusarniaassummut akissutiminni allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER