takornarialerineq

Mittarfeqarfiit aamma Visit Greenland suleqatigiinnissamik isumaqatigiissuteqarput

Mittarfeqarfiit Visit Greenlandilu suleqatigiinnerunissamik takornariaqarnikkut isumaqatigiissusiortut, paasissutissiisarnerup nunatsinni mittarfinnilu kusassaanissap tungaatigut

Væg tapet i Kangerlussuaq
Kangerlussuup mittarfeqarfiani

Mittarfeqarfiit Visit Greenlandillu suleqatigiinnialernerat Kangerlussuarmi misilittagarillualikkat tunngaviullutik pinngorpoq. Suliffeqarfiit taakku marluk ungasinngitsumi iigarsuarnik kusassaanikkut suleqatigeeqqammerput nunatsinnut takornarissanik tikilluaqquserpalaartussatut isumalinnik.

Tamanna tusagassiutinut nalunaarutigineqarpoq.

- Alloriarnerup taamaattup takornarissanik orninneqarsinnaasut qilanaarutaasinnaasut suunerinik nittarsaassinermik aallarniineruvoq nunatsinnut tikittunut takujumaagaannut qilanaartereersinnaallugit, Mittarfeqarfiit avammut oqaaseqartartuat, Hans Henrik Lichtenberg oqaaseqarpoq.

Pilersaarutit
Kusassaanissanik pilersaarusiat akisoorsuunngitsut Mittarfeqarfiit nalunaaruteqarput. Amerlanertigummi suliffeqarfinni pineqartuni sulisoreriikkanik suliaasartussaapput.

Kusassaanikkut mittarfiit alianaanninngortinniarnerisa saniatigut takornarissat tikinneranni takusassinneqarusupput tikitaminni alakkartersinnaajumaagaannik qilanaartusaaserlugit.

- Visit Greenlandimut pissusissamisoorlunilu pingaarutilerujussuuvoq kikkuugaluanilluunniit takornariaqarnikkut sullisserusuttunik suleqateqartarnissaq. Taamaakkaanni angusaqaataasinnaasunik suleqatigiissuteqarsinnaanermik periarfissanik ammaassinermi saniatigut pilersaarusiukkanik annnertuunik aningaasatigullu killilersuiffiuallaanngitsunik suliaqarsinnaanermittaaq ammaassisarput, Visit Greenlandimit Tanny Por oqarpoq.

Alloriarnissani tullinnguuppoq Ilulissani mittarfimmi kusassaanissat arlariiaat pilersaarusiornissaat siunissamilu ungasinnerusumi mittarfinni anginerusuniunerusoq, takornariarpassuarnik tikinneqarnerusartuni.

Powered by Labrador CMS