Misissuineq: Imigassaq ikiaroornartumit ulorianarneruvoq

Alaskami cannabis inerteqqutaajunnaaqqammerpoq. Ilisimatuut Tyslandimeersut Canadameersullu paaseqqammerpaat imigassaq ikiaroornartumit 100-aammik toqunarnerusoq.

Tamanna uumasunik misilittaanermi paasineqarpoq. Cannabis toqunannginnerpaasutut inissippoq, imigassaq toqunarnerpaalluni. Heroin aamma kokain toqunartuni tulliutik inissipput.

Cannabis inerteqqutaasariaqanngitsoq ilisimatuunit oqaatigineqarpoq. Naleqqussaasoqartariaqartoq oqaatigaat.

Toqunartuinnaq?
Taamatulli oqartoqarnera akerlilerneqarpoq. Carnegie Mellon Universitymi professori Jonathan Caulkin akerliliisunut ilaavoq.

- Ikiaroornartup toqunanngissusaa kisimi malittarineqarsinnaanngilaq. Atuinikkummi ajoqqusertoqarsinnaavoq. Ikiaroornartunik misissuinermi toqunassusaa soorunami misissorneqartussaavoq, tamannali kisimi aallaavigineqarsinnaanngilaq, Jonathan Caulkin Livesciencemut oqarpoq.

Allaaserineqartoq Scientific Reportsimit saqqummiunneqarpoq.

Videnskab.dk suleqatigalugu allaaserineqartoq ilanngunneqarpoq. Allaaserineqartoq Livesciencemi saqqummiunneqarpoq Videnskaben.dk-mit danskisuumut nutserneqarluni