Misilitsinnermi arlaleriarluni angusarissaartoq

Meeqqat atuarfianni atuartoq Kira Jonathansen Sisimiuneersoq naggataarutaasumik misilitseqattaarnermini quleriarluni A-rpoq. Ukiumi atuarfiusumi takutitsilluarpoq angusarissaaqattaarlunilu.

Meeqqat atuarfianni angajulliit misilitseqattaarput, ilinniaqqiffissanilu assigiinngitsuni ikaarsaarsinnaanngussallutik.

Kira Jonathansen quleriarluni A-rpoq. Ukiumi atuarfiusumi aamma arfineq pingasoriarluni assinganik angusaqarluni. Taamaasilluni meeqqat atuarfiat 18-nik A-qarluni qimappaa, Minngortuunnguup Atuarfiani Sisimiuniittumi pisortaq Nivi Heilmann Efraimsen nalunaarpoq.