Forsøgsfiskeri
Misileraalluni aalisarneq ingerlalluartoq
Narsaq Seafood, Narsami Alluitsup Paanilu suliffissuarnik ingerlatsisoq, saarullinniarneq qaffasissumik pitsaassusilik nutaaq tunngavigalugu ingerlatatit annertusiartornerannik maanna nalunaarutiginnissinnaalerpoq
Kujataani suliffeqarfik pisassiissutinik qinnuteqartarnermini ukiuni arlalinni itigartinneqartareersimalluni misileraalluni aalisarnermut maanna 1000 tonsinik saarullittassinneqarpoq. Narsaq Seafood taamaalilluni ingerlatat Alluitsup Paani tarajortikkanik tunisassiornermik annertusinissaannut periarfissaqalerpoq.
Narsaq Seafoodip ulluinnarni aqutsisua, ingerlatsinermut pisortaq Klaus ‘Nuka’ Andreassen, 2015-imi suli annerusumik pisassinneqarnissamik naatsorsuutiginnippoq, saarullinnik Narsamut tulaassuinissaq aamma pisinnaaleqqullugu.
‘Polar Nuka’ Svendborgimi umiarsualiorfimmi sukumiisumik nutarterneqareerluni tamatumalu kingorna ningittagarsornermut atortunik isumamineersunik Narsami ikkussuiffigineqareerluni pisassiissutinik nutaanik misileraalluni iluatsilluartumik aalisalerpoq.
Aviisimi Tamanut Kujataanimi allaaserisaq tamaat atuarneqarsinnaavoq