takornariaqarneq
Misigisassarsiortitsinermik immikkut ilisimasalik marlunnik campiliorpoq
Albatros Arctic Circle ingerlatseqatigiiffiup nutaap taaguutigaa, taanna Kangerlussuarmi takornarianut campinik marlunnik nutaanik pilersitsilerpoq.
Nutaanik piginnittoqalernera pissutigalugu World of Greenland Arctic Circle atorunnaarsinneqarpoq, pisortaq Jørgen Larsen tusagassiuutinut nalunaarummi nassuiaavoq.
Aalisarnermut tupernermullu campi
Ingerlatseqatigiiffik campinut marlunnut aningaasaliisimasoq saniatigut ilisimatitsissutigaa - Angujartorfiup Kuuani aalisariartarfik aamma Sermersuup killingani Israndsøenimi tupertarfik.
- Campit taakku marluk ukiuni aggersuni Kangerlussuarmi takornariaqarlualernera isumagissavaa, Air Greenlandimi takornariat amerliartornerat eqqarsaatigalugu, kisianni aamma Islandimit takornariaqaleraluttuinnarnera, taamatullu aasaanerani toqqaannartumik Kangerlussuarmut Air Iceland Connect eqqarsaatigalugu, Jørgen Larsen oqarpoq.
Takornariartitsisoqarluni angalatitsisoqartalilersoq
Albatros Arctic Circlep siunissami qaninnermi takornariartitsisulerluni biilinik immikkut sanaanik Kangerlussuarmi eqqaanilu takornariartitsisalernissani naatsorsuutigaa, tassanngaanniillu aamma ukiuni aggersuni aqqutikkut nutaakkut Sisimiunut angalaartitsisalernissaq neriuutigaat.