Misigisaq puigunaatsoq: Swahilisut ernineq
Upernaaq kalaallit peqqissaasunngorniat pingasut Tanzaniami ernisarfimmi sungiusaammik sulipput. Kingorna Arnanut arnat paasiniaaffigai misilittakkat suut Kalaallit Nunaannut angerlaassimaneraat
Arnat pingasut Afrikamiusut qalipaatigeqisunik kjuuleqarlutik qungujulaqalutik webcamimut aalateripput.
Arnanut peqqissaasunngorniat pingasut Ivalu Steenholdt, Dortheeraq Grønvold Petersen aamma Ane Pedersen Afrikami Tanzaniap avataani Zanzibarimiittut attavigai. Illoqarfimmi Arushami Meru District Hospitalimi sapaatit akunnerni tallimani sungiusaammik sulinertik naammasseqqammerpaat. Maanna sungiusaamminik sulinerminni ilinniarnerminni suliassami allaaserisussaavaat, soormi tamanna Zanzibarimi suliarinngilaat ilami qanittuaniikkamik?
- Ajortortatuaraa sialliinnavikkami, Ivalu oqarpoq webcamimilu silammut tikkuarluni sialussuaartoq, taamaattorli sissap killingani feeriartarfik nuannerunaqisoq ersilluni.
- Misigisat nuannerluinnarsimapput, oqarpoq qanoq ingerlasimanersut apeqqutigakku.
Sungiusaammik suliartorneranni naartuneq arnallu nappaataat sammineqarsimapput, pingasuullutillu ernisarfimmiissimapput. Aallartiinnarlutillu suliassaminni sulisinneqalerput. Ullormi siullermi Anep naalungiaq erniusoq ernisussiorfigaa – pingasuullutik oqaluuserisimallugu taamaalioqqusaassanerlutik. Erninerlu sukkasimaqaaq taamaattumillu qisuariartoqartariaqarluni, Anelu kisimi aaqqasernissaminut angumersigami naalungissamik tigusisuuvoq.
Ane Afrikaliarnissamik isumassarsisuuvoq. Sisimiuni peqqissaavimmi sungiusaammik sulivoq, peqqissaasoq alla Tanzaniami sungiusaammik sulisimasoq naapikkamiuk.
- Wow, misilikkusunnaq, Ane eqqarsarpoq Ivalumullu sianerluni, taannalu sivisuumik eqqarsaqqaarani akuersivoq.
Allaaserineqartoq aviisimi Arnanumi tamakkiisumik atuarneqarsinnaavoq. Aviisi uani pisiariuk: