Meeqqat

MIO meeqqat atugaannik piviusunik FN-imut takutitsiniarpoq

Meeqqat illersuisuat Nunatsinni pisut pillugit, naalagaaffeqatigiinnerup meeqqat pisinnaatitaaffii pillugit pisortatigoortumik nalunaarusiaanut nalunaarusiorpoq. Aviâja Egede Lyngep maanna nalilersukkani FN-imut itisilissavai.

Aviâja Egede Lynge, børnetalsmand

Ukiaanerani naalagaaffeqatigiinneq meeqqat pisinnaatitaaffii pillugit Naalagaaffiit Peqatigiit Meeqqat pillugit ataatsimiititaliaani misilitsissaaq.

Kalaallinullu tunngasortaani misilitsinnermi apeqqutit sakkortuu apeqqutigineqarsinnaapput.

Atuaruk: MIO Naalagaaffiit Peqatigiinnut: Meeqqat imminiiginnarneqarput

Kusassagaq
Meeqqat illersuisuata Aviâja Egede Lyngep ataatsimiititaliaq nunatsinni angalasarnerminit misilittakkaminik ilisimasaminillu katersukkaminik piareersimatinniarlugu eqqarpoq.

Tamanna Meeqqat Pisinnaatitaaffii pillugit Naalagaaffiit peqatigiit ataatsimiititaliaa ataatsimeeqatiginerani pissaaq, tassani peqatigiiffiit aamma kajumissutsimik suliaqartut ilisimasaminnik nalunaaruteqarsinnaapput.

Atuaruk: Unnerluut: Qaasuitsup Kommuniata meeqqat pisinnaatitaaffii unioqqutippai

Meeqqat pisinnaatitaaffiinut tunngatillugu nunat ataatsimiititaliamut nalunaaruteqassapput.

Nunatsinni pissutsinut tunngatillugu Naalagaaffeqatigiinnerup nalunaarusiaa meeqqat illersuisuata amigartutut nalileramiuk, nammineerluni nalunaarusiorsimavoq.

Atuaruk: Tasiilami meeqqat pillugit isumaginninnermut suliat 500 sinneqartut

- Naalakkersuisut nalunaarusiaata Kalaallit Nunaanni maaqqanut tunngatillugu unammilligassaat piviusut ersersinngimmatigit aamma ajornartorsiutit annerpaat amigartumik samminngimmatigit MIO-p tupaallaatigaa: sumiginnaaneq, imigassamik aanngajaarniutinillu atornerluineq kiisalu ilinniagaqannginneq, nalunaarusiami taanna allappoq.

Oqaatsit kusanartut piviusut imaannaanngitsut takutinngilaat
Pisortatigoortumik nalunaarusiami periusissatut pilersaarutit suliarineqarsimasut inituallaartut, taanna isumaqarpoq. Aviâja Egede Lyngelli meeqqat illoqarfinni nunaqarfimmilu naapikkaangamigit, Nuummi qullersaqarfimmit oqaatsit kusanartut oqaatigineqartut nassaariuminaatsippai.

Atuaruk: Meeqqat illersuisuat Kujallermi pisut eqqasuutigai

- Meeqqat naammattumik illersorneqaratillu ikiorneqarneq ajorput, meerarlu ikiorneqarnissaanut kingusinaarluni iliuuseqartoqartarpoq, nalunaarusiaani tamanna allaqqavoq.

Naalagaaffiit Peqatigiit Meeqqat pillugit ataatsimiititaliaanut, Kalaallit Nunaata meeqqat pisinnaatitaaffii qanoq pitsaanerusumik qulakkeersinnaaneranut nalunaarusiaq arlalinnik innersuussuteqarpoq.

Taakku innersuussutit meeqqat illersuisuata Aviâja Egede Lyngep ataatsimiititaliamut toqqaannartumik sapaatip-akunnerata tulliani saqqummiunnissaanut periarfissaqalerpoq.

Powered by Labrador CMS