Skip to main content

Minkeqarfik akerlerineqaqisoq

Suliniut IA-p iluatsissinnaanngitsutut taavaa. Minkit Kalaallit Nunaanni uumasuunngillat, nungusaataanngitsumillu amernik avammut tuniniaasartutut tusaamaneqarnerput eqqorneqassaaq, IA oqarpoq.

Nunami tamarmi innuttaasut 752-iugallartut Kalaallit Nunaanni minkeqarfeqalernissaanut akerliullutik atsiorsimapput.

Inunnguaq Christiansen, Nuummeersoq, Kalaallit Nunaanni Uumasut Ikinngutaat sinnerlugit tamatumunnga akerliulluni atsiortitsinermik suliniuteqartuuvoq. 

Taanna isumaqarpoq minkeqarfiup Kalaallit Nunaata tusaamasaanera ajoqusissagaa, tamannalu puisit amiinik avammut tuniniaanermik eqquissasoq.

Narsami minkeqarfiliornissamik isumassarseqqaartuuvoq tassani savaatillit ilaat, taannalu Nunalerinermik Siunnersuisoqarfik aqqutigalugu Danmarkimi minkeqarfimmiinnissaminut aningaasaliiffigineqarsimavoq, tassuunakkut minkeqarfimmik ingerlatsinermik misilittagaqalerniarluni.

Kingorna Kommune Kujallermi kommunalbestyrelsi Nunalerinermik Siunnersuisoqarfik suleqatigalugu aammalu namminersorlutik oqartussanit tapiiffigineqarluni minkeqarfimmik misileraanerup aallartinnissaanut 200.000 koruuninik aningaasaliissuteqarpoq, misileraanerlu ingerlanneqassaaq Upernaviarsummi misileraavik suleqatigalugu.

Taamaasilluni minkeqarfik aallaqqaammut aningaasarsiutaassanngilaq, minkinilli 1000-1500-nik uumasuuteqarnermiut atatillugu ilinniarfiullunilu misilittakkanik katersuiffiussalluni.

Inuussutissarsiornermut Sulisartoqarnermullu pisortaq Palle Frederiksen naapertorlugu siunertaavoq savaatilinni inuussutissarsiortunilu allani soqutiginnilersitsinissaq, tamakkua minkiuqarfeqarnikkut savaateqarnerup saniatigut isertitatik ilaartorsinnaammatigit, soorluttaaq misileraaneq siunissami minkiuteqarnikkut aningaasarsiulernissamik tunngaviliisinnaasoq.

Allaaserisaq tamaat aviisimi Sermitsiami uani sapaatip akunnerani saqqummersumi atuaruk. Aviisi ugguuna pisarisinnaavat:
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER