Takunnissinnaaneq
Ministerip aviisi imminut paasissutissanik takunnitsippaa
Qallunaat politikerit marluk akuerisimavaat namminerminnut paasissutissat soorlu mailsit sms-illu tamaviisa misissorneqarsinnaasut
Ilinniartitaanermut ilisimatusarnermullu ministeri Sofie Carsten Nielsen (R) folketingimi politikeritut ministeritullu inuunerminik takutitsivoq, akuerisimagamiuk namminerminut paasissutissat soorlu akileaarutinut paasissutissat, mails-it, sms-it telefonilu atornerani allat misissorneqarsinnaasut.
Berlingske-p misissuinerata assersuutigalugu takutippaa arni 573-eriarluni sms-erfigeqatigisimagaa, Andras Hemmethilu, de Radikale-ni tusagassiornermut pisortaq 1462-eriarluni sms-eqatigisarsimagaa. Tamanna pisimavoq piffissami 2011-mi septembarip 21-anniit 2013-imi decembaerip 5-annut.
Tamatuma saniatigut Københagvnimi tatsit kaajallallugit arpattarpoq agguaqatigiissillugu minutsini 36,3-ni.
Silap pissusianut nukissamullu oqaaseqartartupp Jens Joel-ip (S) aamma akuerisimavaa namminerminut paasissutissat misissorneqarsinnaasut, ilaatigullu takuneqarsinnaavoq neriniartarfinnut neriartukulasartoq.
Sofie Carsten Nielsen peqataanissaminut aalajangersimavoq siunissami inuiaqatigiit digitaliusut sammitinniarlugit.
– Siunissap qanoq iluseqarnissaanik ammasumik demokratiskiusumillu oqallinnissaq angorusuppara. Inuiaqatigiit digitalilersuleraluttuinnarpugut. Tamanna periarfissiivoq.
– Aammattaarli unammilligassartaqarpoq. Paasissutissaatitta qanoq atornissaannut uanga sunniuteqarpunga, taavalu isumaqarpunga imminut pilliutigisariaqarlunta, Sofie Carsten Nielsen (R) oqarpoq.
Berlingskep misissuinermini ilaatigut misissorsimavai e-mailsit 18.047-t, telemi paasissutissat 31.303-t aningaaserivimmilu nalunaarsukkat 2.407-t
Folketingip siulittaasuata Mogens Lykketoftip (S), politikerit taakku malruk imminnut paasissutissanik misissuinissamik akuersinerat taavaa ´misileraatitut soqutiginartutut´.
– Tamanna paasissutissaavitut pillugit oqallinnermi pingaaruteqarsinnaavoq, naatsorsuutigaarali peqataanerminni isumaliutigigaat takutinniarlugu inunnut paasissutissat qanoq annertutiginersut.
– Misileraaneq paasilluarsinnaavara, soqutigilluarlugulu misissorniarpara. Oqallinneq tamanna pisariaqarpoq, taanna oqarpoq.
Naalakkersuisut ukiup affaa sinnerlugu nakkutilliinermik oqallinneq, isertukkanik paasissutissiisup Edward Snowden-ip NSA-llu kingunerinik pilersoq, matuniarsimagaa aviisi allappoq.
Oqaluttaq qanoq isumaqarfigaajuk? Misileraaneq ingasaassineruva? Inuiaqatigiit nakkutigineqartut uagutsinnut qanippallaalerpat?