assammik arsaanneq
Minimmut nutaarsiassaq nuannersoq: Pilattarneqassanngitsoq
Kalaaleq assammik arsaattartoq Minik Dahl Høegh, Århus Håndboldimi unammisartoq, suliaritinnissani pisariaqartinngilaa ukiumilu nutaamiik unammeqataaqqissinnaalissalluni.
Taanna seeqqumi saamerlikkut korsbåndimigut aqqunarami ukiup ataatsip tungaanut uninngangallarnissaa pisimasinnaangaluarpoq.
Mr-imik scannertittoq
-Sisamanngormat mr-imik scannertinninni takusinnaavarput korsbåndera tunorleq kittorarsimasoq, suliarineqartariaqannginneralu pitsaavoq. Tamanna nuannaarutigisinnaavara. Januarip qaammataata tungaanut unammeqataaqqissinnaanngilanga, kisianni decemberip qaammataani sungiusaqataaqqilersinnaassaanga, neriuutingaaralu piffissami tassani aqqunarsimanera iluarsereersimassasoq, Minik Dahl Høegh Århus Stiftstidendemut oqarpoq.
Taanna qaammatini tulliuttuni marlunni, seeqquata tunorliup inissaminiinnissaa anguniarlugu korsbåndialu sukkanerusumik iluarsitikkumallugu, qerattaqqummik atugaqassaaq.
Taartissaqanngitsoq
Århus Håndboldip pisortaa Jan Nielsen aviisimut paasissutissiivoq, peqatigiiffik misilittagartuup 32-nik ukiullip taartissaanik ujarlernissaq pisariaqanngitsoq.