pilluarit
Minik Dahl Høegh nersorneqarluaqisoq
Amerikap Nunavittaani Pissartanngorniunnermi kalaaleq assammik arsartartoq unammiuaarnermi arsallaqqinnerpaatut toqqarneqarpoq
Amerikap Nunavittaa Pissartanngorniunnermi naggataajusumik kuultinnanniunneq, sølvinnanniunneq bronzenanniunnerlu unammissutigineqareersut persuarsiornermi Minik Dahl Høegh unammiuaarnermi arsarluarnerpaatut toqqarneqarpoq.
Aamma Amerikap Nunavittaani Pissartanngoriunneq 2016-imi 56-inik isertitaqarluni isertitsinerpaatut nersornaaserneqarpoq. Isertitami ilai 12-t strafferluni isertippai. Minik Dahl Høegh aamma Aal Star-holdimut toqqarneqarpoq.
All Star-holdi
Målmandi Mathias Schultz, Argentina
Fløji talerperleq Fabio Schiuffa, Brasilia
Fløji saamerleq Felippo Borges, Brasilia
Playmaker Sebastian Simonet, Brasilia
Stregimiittoq Estaban Selinas, Chile
Backi talerperneq Rodrigo Salinas, Chili
Backi saamerleq Minik Dahl Høegh, Kalaallit Nunaat
Amerikap Nunavittaani Pissartanngorniunnermi, Argentinami Buenos Airesimi ingerlanneqartumi, ulormi unammiffiusumi kingullermi angusatigut angusarissaarnerpaat pingasut medaljenannerat kisimi allanngortinneqarpoq. Nunat pingasut angusarissaarnerpaat nunarsuarmi pissartanngoriunnermi peqataassapput. Nunarsuarmi pissartanngorniunneq 2017-imi januaarimi Frankrigimi ingerlanneqassaaq.
Brasilia ajugaavoq
2010-mi, 2012-imi 2014-imilu Argentina ajugaasarsimavoq, tullersortigalugu Brasilia Chilelu normu 3-ngortarluni. 2016-imi tulleriiaarnerat nikippoq. Brasilia kuultinnappoq, Chile sølvinnalluni Argentinalu taamaallaat bronzenalluni.
Ukioq manna pissartanngorniunnermi inissinnerit:
1. Brasilia
2. Chile
3. Argentina
4. Uruguay
5. Kalaallit Nunaat
6. Puerto Rico
7. Mexico
8. USA
9. Collumbia
10. Canada
11. Guatemala
12. Paraguay