silaannaq minguitsoq
Mingutsitsinnginnerunissamut 11 millionit kommuninut
Naalakkersuisunit tapiissutit iilaatigut nunaqarfinni kommunit ikuallaaviinut nutarterneqarnissaanut atorneqassapput, silaannarmik mingutsitsineq annikinnerulersinniarlugu
Kommunit avatangiisit tungaasigut arlalitsigut pitsanngorsaanerat Naalakkersuisunit 11 million koruuninik tapersersorlugit ikiorsiivigineqarput, Namminersorlutik Oqartussat ilisimatitsipput.
Silaannarmik mingutsitsineq
Ilaatigut kommunit illoqarfinni ikuallaavii nutarterneqarnissaannut aningaasat atorneqassapput, silaannarmik mingutsitsineq annikinnerulersinniarlugu.
Ullumikkut ikuallaavinnit akoorutissanik navianartunik aniatitsineq sumiiffippassuarni ima qaffasitsigilersimavoq peqqissutsimut avatangiisitigullu kingunipiloqarsinnaalluni.
Taamaattumik pingaaruteqarpoq, ikuallaaviit pitsaanerulersinneqarnissaat, ikuallaavinnillu pujoortitsinerup pitsaanerusumik salinneqartarnissaata qularnaarneqarnissaa, Namminersorlutik Oqartussat erseqqissaapput.
Avatangiisileriffiit
Ikuallaaveqarfiit saniatigut Naalakkersuisunit Kommuneqarfik Sermersuumi avatangiisileriffinnik pilersitsineq tapersersorneqarpoq, Kommune Kujallermi eqqagassanik immikkoortiterinermi iglonik immikkoortiterivinnik 40-inik pisineq, Qaqortumi eqqaavissuup allilerneqarnissaanut atatillugu pilersaarusiorneq pilersitsiniarnerlu kiisalu Qaanaami immikkut ittumik eqqagassalerinerup suliniuteqarfigineqarnera.
Atuaruk: Kapisilinni eqqakkat immikkoortiterneqartalissapput