Mimi Karlsen: Ikiaroornartumut ima akiuiniartoqassaaq
- Ikiaroornartoq nunatsinni ajornartorsiutaavoq annertooq, soorlu ullut kingulliit eqqartuussinerup annertuup tamanna takutikkaa, IA-mit Mimi Karlsen oqarpoq
- Meeqqat, inuusuttut, inersimasut utoqqaalluunniit ikiaroornartumik atuilinnginnissaat suliniutigiuarneratigut inuit ikiaroonartumut naaggaarsinnaasut amerlisartariaqarpagut. Ikiaroornartoq ajoraluartumik sukkulluunniit eqqussuunneqartoq akioruminaassinnaavoq. Taamaammat inuit amerlanerpaat pinaveersaartissinnaagutsigit akiorsinnaavarput.
Ikiaroornartoq akiorniarlugu ullorititaq atatillugu Inatsisartunut ilaasortaq Mimi Karlsen oqarpoq.
- Meeqqat, inuusuttut, inersimasut utoqqaalluunniit ikiaroornartumik atuilinnginnissaat suliniutigiuarneratigut inuit ikiaroonartumut naaggaarsinnaasut amerlisartariaqarpagut. Ikiaroornartoq ajoraluartumik sukkulluunniit eqqussuunneqartoq akioruminaassinnaavoq. Taamaammat inuit amerlanerpaat pinaveersaartissinnaagutsigit akiorsinnaavarput, Mimi Karlsen oqarpoq.
Pinaveersaartitsineq annertooq ingerlanneqartariaqartoq aamma oqarpoq.
- Angerlarsimaffiit, angajoqqaat meeqqaminnut perorsaanerminni ilaatittuartariaqarpaat meeqqat ikiaroornartumut ingalassimatinniarnissaat. Pisortat uagut angajoqqaanut tapersertariaqartunut ikioqusunullu saaffissanik amerlanernik tikikkuminartunillu pilersitsisariaqarpugut.
Sunngiffimmi sammisassat peqqinnartut amerlanerusariaqartut isumaqarpoq.
- Timersorneq aamma pinaveersaartitsilluarpoq, taannali kisat isumalluutiginagu nipilersorneq, qitinneq allarpassuillu neqeroorutigiinnarnagit atorluarneqarnissaannik aqqutissiuussisariaqarpugut.
- Ikiaroornartumik atuilereersimasut ajattornagit, asoortiinnarnagit neqeroorfigisariaqarpagut katsorsaavinnik assigiinngitsunik, inuimmi imminnut katsorsaariaaseq naleqqunneq toqqarsinnaasariaqarpaat.
Inuk ikiaroornartumut kisimi sorsulluni misigissanngilaq, inuiaqatigiit tamatta sorsuttariaqarpugut, utoqqaagutta inersimasuugutta inuusuttuuguttaluunniit. Ataatsimoorluta sorsunnerput nukittorsartuartigu.