Saturday, September 30, 2017 - 09:00

Millinilikkuutaanut angalasarsimanerit soraarsitaassutigineqartoq

Assi.: AP Photo/Pablo Martinez Monsivais
Peqqissutsimut ministeri Tom Price aningaasat 2,5 million sinnerlugit timmisartunut attartorluni atorsimavai.

Amerikamiut peqqissutsumut ministeriat, Tom Price, tunuarpoq. Det Hvide Hus paasissutissiivoq.

Præsident Trumpip tallimanngormat ilimasaarivoq, Price atorfia pillugu ullup ingerlanerani nalunaaruteqartoqassasoq.

Taamatut pisoqarpoq ulluni kingullerni, Tom Pricep annertuumik angalasarnermini timmisartunik attartortarsimanera paasineqarmat.

- Taamatut pisoqarsimanera nuannarinngoreqaara. Nuannaannginnera oqaatigisinnaavara, nutaarsiassaqartitsivik Reuters naapertorlugu, Trump tallimanngormat oqarpoq.

Politikkikkut nutaarsiassaqartitsivik Politico naapertorlugu, Price ukioq manna atorfimminut atatillugu angalanermini 26-eriarluni timmisartunik attartortarsimasoq. Nutaarsiassaqartitsivillu naapertorlugu tamanna 2,5 million koruunit sinnerlugit naleqarsimavoq.

Price naalagaaffiup karsianut aningaasanik ikisilluni isertorniarsarisimangaluarpoq. Politicolu naapertorlugu aningaasat ikineqarsimasut angalanerminut atortarsimasaanit annikinnerujussuusut.

Pricep oqaaseqartartuata kimigiiserlutik oqaatigaat atorfimmut tunngatillugu angalanerusimasut.

Tusagassiuuteqarfiit arlallit maluginiarsimavaat angalanerit arlallit pigisaqarfianut pisarsimasut - tamannalu Price timmisartumik attartortarsimaneranik uppernarunnaarsitsivoq.

Seneste nyheder / Nutaarsiassat kingulliit