Milliardinik aningaasaliisartut mittarfinnut nutaanut suleqatigiittut

Suliffeqarfiit angisuut arlallit ullumikkut siullermeerlutik ataatsimut nalunaarutigaat, Nunatsinni mittarfiit nutaat tallineqarnissaannut suleqatigiillutik aningaasaliiniarlutik.

Nuuk aamma Ilulissat salliutinneqartut
Ingerlatseqatigiiffiit Siemens, MP Pension aamma MT Højgaard (paasissutissat takukkit) nalunaarutigaat, kornsortiatiaat aamma aningaasaliinissamut eqqarsaataat Inatsisartut decembarimi 2015-imi aalajangiinerat aallaaveqartoq.

Nuummi aamma Ilulissani mittarfiit tallineqarnissaat sanaartornermut, ingerlatsinermut aningaasaliinermut pisortat namminersortullu suleqatigiinnerisigut tassani immikkut piukkunnartutut taakkartorneqarput.

Atuaruk: Nuuk Ilulissallu Kalaallit Nunaannut isaaffinngussapput

Jens Munch Holst, aningaasaateqarfissuarmi MP Pensionimi pisortaanerusup, mittarfinnik suliniutit taakku marluk aningaasaliiffissatut soqutiginarnerarpai.

-Nuummi Ilulissanilu mittarfiit tallineqarnissaat siunissaq ungasinnerusoq eqqarsaatigalugu aninigaasaliinissamut pilersaarutitsinnut soqutiginartuupput, ingerlatseqatigiinnillu peqataasunik, kalaallinillu oqartussanik oqaloqateqarnissamik aamma isumaqatiginninniarnissamut piareersimavugut, taanna tusagassiuutinut nalunaarummi oqarpoq.

Atuaruk: Nunarput taarsigassarsiniassasoq

Ukiaru isumaqatiginninniartut
Aasaanerani sulinngiffeqarnerup kingorna Naalakkersuisut oqaloqatigalugillu isumaqatiginninniarfigissallugit suleqatigiit neriuutigaat.

Taakku pingasut aamma nalunaarutigaat, Den Nordiske Investeringsbankimit, Grønlandsbankenimit aamma Greenland Venturemit suliniutiminnut taperserneqarlutik.

Suleqatigiit qularnaveeqqutigalugu oqaatigaat, sanaartornermut aamma aningaasaliinissamut ikiuutissagunik, sanaartornerup, ingerlatsinerup aamma mittarfinnik aserfallatsaaliuinerup iluani sullerissusermik qulakkeerinnissallutik, aammalu pilersaarutertik tikikkuminarsitsinermik, akinik appasinnerusunik aamma nunatsinnut suliffissanik amerlanernik pilersitsissasoq oqaatigaat, saniatigullu innuttaasunut ilinniagaqarlersitsillkunilu aningaasaqarnikkut sanaartornermut ineriartortitsissaaq.

Aningaasaliisartut nunanit tamalaaneersut, ilaatigut Siemens, siornatigut Ilulissani mittarfimmut nutaamut aningaasaliisinnaallutik nalunaaruteqarnermi kingorna, pakatsillutik angerlaannartariaqarnikuupput.

Atuaruk: Milliardinik aningaasaliiniartunut mattussineq

Atuaruk: Mittarfiit pillugit aalajangiineq Asiimut nuannaarutaasoq