siunissami mittarfiit
Milliardinik aningaasaliiniartunut mattussineq
Mittarfinnik talliliinissanik akiuuttoqaraluartoq, aningaasaliiniat nunanit allaneersut nunat assigiinngitsut timmisartoqarfissaannik nutaamik sanatitsinissaminnut piareeqqapput. Namminersorlutilli Oqartussat tamatuminnga nuannarinninngillat
Mittarfiit qanoq takitigissappat? Sumi sananeqassappat kikkunnillu akilerneqassappat?
Kalaallit Nunaanni silaannakkut angallanneq pillugu oqallittoqarluarpoq, taakkulu pillugit – ukiuni tulliuttuni annertuumik pitsanngorsarneqarnissaat amerlanernit isumaqatigiissutigineqarluni.
Tamatuma ilutigisaanik Ilulissani mittarfissamik milliardinik akilimmik pilersitsisoqarnissaa qangali siunnersuutigineqarsimavoq, tamannalu Kangerlussuarmik tunuartitsinikkut – aningaasaliisussanit namminersortunit aningaasaleerusuttunit aningaasaliiffigineqarusulluni.
Tyskit aningaasaleerusuttut
Aningaasaliisut soorlu Siemens ilulissani mittarfimmut aningaasaliinissaminnut piareersimagaluarput.
- Newport eqqarsaatigalugu takornarissanik amerlanerusunik tikittoqartalernissaanik periarfissaq aningaasarsiorfissatsialaavoq, tamannali politikkikkut aalajangerneqaqqaartariaqarluni, Siemensimi pisortaq, Carsten Dahl, Naalakkersuisut maanna Ilulissani Nuummilu mittarfiit 1799 meterisut takissuseqalersinnissaannut oqalliseqarnerusut oqarpoq.
- Uanga isumaqarpunga Kalaallit Nunaanni mittarfiit pingasut ilaasussaqarluarnissaminnik tunngavissaqanngitsut, Carsten Vahl oqarpoq.
Piginnittussaanermut tunngaviusoq mattussisoq
Qaasuitsup Kommunianit milliardinik nalilimmit suliniummik Ilulissat Newportimik tigumminnittumik oqariartuutigineqarpoq, Namminersorlutik Oqartussanit mittarfinnut nammineq pigineqartunut naaggaarnerup kingorna suliaq taamaatitsiinnartariaqassasoq.
Ilulissat Newport ataatsimut mittarfimmik 2800 meterisut takitigisumik, umiarsualivimmik nutaamik aamma akunnittarfimmik pilersitsinissamut suliniutaavoq.
Allaaserisaq uani sapaatip akunnerani AG-mi saqqummertumi, ullumikkut pisiniarfinni pisiassaalertumi atuaruk. Uuma allaaserisap ataani aviisimut digitaliusumut isersinnaavutit: