sulinngiffeqarneq
Miliuuninik nalilimmik umiatsiartarpugut
Aasaanerani benziina litererpassuit pisiarineqartarput. Umiatsianimmi angallannerup naligaa orsiisarfinnillu ulappupput
Aasaanerani benziinamik tunisineq annerpaaffimminiittarpoq, kisitsisit Polar Oil-imiit tamanna takutippaat. 2011-mi benziinamik tunisaqarnerpaaffik aasaanerani qaammatini juni, juli aggustusimilu pivoq, tassami piffissami tassani 5,93 miliuunit liiterit tunineqarmata. Januarimi, februarim aamma martsimi benziina affaa qaangilaaginnarlugu tunineqarpoq, tassa 2,9 miliuunit tunineqarmata.
2012-imilu assingaanik tunisisoqarpoq, tassa aasap qaammataani 6,67 miliuunit liiterit tunineqarmata, ukiullu qaammataani pingasuni siullerni affaata ataaqqullugu tunisarineqarluni, tassa 2,4 miliuuni liiteri tunineqarmat.
Tamannalu aasaanerani feeriartoqarneranik pissuteeqarpoq, inuimmi angallatitik atorlugit aallartarmata.
– Benziinamik tunisineq aasakkut annerpaaffimmiittarpoq ingammik sila ajunngikkaangat, Polar Oil paasissutissiivoq.