Miké F. Thomsen: Isiginnaartitsisarfiup sipaarniarfigineqarnera innuttaasunik suujunnaarsitsiartuaarneruvoq
Kulturi inuiaqatigiinnik ataqatigiissitsisuuvoq kiisalu kinaassutsitsinnik oqaatsitsinnillu nukittorsaaqataalluni, isiginnaartitsisartoq Miké F. Thomsen oqarpoq.
Naalakkersuisut 2019-imut aningaasanut inatsisissatut siunnersuutaat Nunatta Isiginnaartitsisarfianut aningaasaliissutinik 3 millioner koruuninik ilanngaassisimasoq kulturilersut akornanni ernumanartinneqarpoq.
Politikkerit innuttaasunik suujunnaarsitsiartuaartut isiginnaartitsisartoq Miké F. Thomsen sipaarniartoqarnera isoralugu isornartorsiuivoq, AG allappoq.
- Oqaatsinut atatillugu ikorfartuinerit pitsaanersaat tassaavoq isiginnaartitsisartoqarnerup isiginnaagassiortartunillu ikorfartuineq. Sipaarniartoqarnera paasisinnaanngilluinnarpara, Miké F. Thomsen AG-mut oqarpoq.
- Isumaqarpunga (politikerit, aaqq.) oqaatsitsinnik tammatsaaliuiniarlutik tamatigut qineqqusaarutiginnittarnerat alianarlunilu quianaannartuusoq. Taamaattumik sipaarniarnissaq isumassaqanngilaq, oqarpoq.
Nunatta Isiginnaartitsisarfianut sipaarniarnissamik pilersaarutit AG-mi atuarneqarsinnaapput: