Miiti Lyngep imeq ammarpaa
Ineqarnermut, pinngortitamut avatangiisinullu Naalakkersuisup Miiti Lyngeop Ilulissat eqqaanni Paakitsumi erngup nukinganik nukissiorfik ammarpaa
Nunatsinni erngup nukinganik nukissiorfiit annersaasa tulliata ammarnersiorneqarnerani ineqarnermut, pinngortitamut avatangiisinullu Naalakkersuisup Miiti Lyngep matuersaatit pisortatigoortumik Nukissiorfinnut tunniuppai.
Tamanna pivoq septembarip 6-anni, tassani aamma najuullutik borgmester Ole Dorph, illoqarfimmi inuussutissarsiortut, kiisalu entreprenørtimit ISTAK-imit sinniisut.
– Una assersuutissaallluarpoq nukissamik imminut pilersornerulersugut. Kalaallit kulturiannut naapertuulluinnarpoq pinngortitap nukissarititaasa atorneqarnerat. Erngup nukinganik nukissiorfiup uuliamik eqqussuinermik isumalluutikinnerulersippaatigut, tamannalu atuisartunut silallu pissusianut pitsaasuuvoq, Miiti Lynge oqarpoq.
Aamma atuaruk: WWF: Kalaallit Nunaat maligassiuivoq
Aamma atuaruk: Nunatta erngup nukinganik nukissiorfittaava nutaaq
Erngup nukinganik nukissiorfik aamma Ilulissani atuisartunut pitsaasuuvoq, siunissami eqqasuuteqaratik innaallagissamik atuisinnaammata, tassa innaallagiaq nukissamit ataavaratumit pimmat, silap pissusianut akornutaanngitsumik.
Erngup nukinganik nukissiorfik pissutigalugu gas-inik kissatsinnartunik aniatitsineq (kuldioxid, metan aamma latterga) 2014-imi CO2-ækvivalentinik 174.707 ton-inik aniatitsinissaq pinngitsoortinneqassaaq. Tassa 2011-mi aniatitap 23 procentiata missaatut annertutigisoq.
Erngup nukinganik nukissiorfik Landskarsimit taarsigassarsilluni Nikissiorfiit sanavaat, 600 millioner koruunillu missaannik akeqarluni.