Qinersineq 2018:
Michael Rosing: - Pilersaarutima aappaa piareeqqavoq
Inatsisartuni attaviitsoq Michael Rosing Suleqatigiissitsisut Inatsisartunut isertitaqarnissaat piareersimaffigaa.
Partii aprilip qaammataani qineqqusaartunut peqataatitaqarnissamut atsiornernik 942-inik piumasaqaataasunik pissarsinissani suli naammassisimanngilaa.
Kattusseqatigiit
Allamilli pilersaaruteqarnini Michael Rosingip Sermitsiaq.AG-mut oqaatigaa.
- Kattusseqatigiit pilersinneqasssapput. Qinigassanngortitassattali qinigassanngortissinnaanermut atsiornerit taamaallaat 40-50-it akornanni pisariaqartippaat. Kattusseqatigiillu pilersinnerisigut Inatsisartunut isertitaqarsinnaavugut, Michael Rosing, Kim Kielsenip qinersinissamik suaarutiginninneriasaarnerata kingorna parteeqatiminik killiffik pillugu eqqartuisussanngortoq, nassuiaateqarpoq.
Qinersinissaq Inatsisartut amerlunerussuteqarfigisaat apeqqutaalluni 17. april imaluunniit 24. april pissaaq.
Angumerissavarput
- Isumaqarpunga, piffissaanngitsukkut qinersinissamik suaarutigininnerit tamarmik akunnattoorfiulaartartut. Angumersissaqqaartugulli oqaatigisinnaavara. Tamanna qularutissaanngilaq, partii Suleqatigiissitsisumi januarip qaammataani pilersinneqarsimasumi siulittaasoq, nassuiaavoq.
Partiip tunuliaqutaa pillugu Michael Rosing oqaaseqarsimavoq:
- Nutaanik attaveqaatinik pilersitsiniarpugut. Nunat tamalaat aamma nunap iluani sumiuussutsit, oqaatsit aamma assigiinngissutsit akimorlugit annertusarneqarnissaat partiip sulissutiginiarpaa. Partiip tunuliaqutaasa Kalaallit Nunaanni suleqatigiinnissamik anersaap nukittunerusoq kissaatigaa.
Partii socialliberal
Partii socialliberalitut taaneqarsinnaavoq. Michael Rosing Inatsisartuni attaviitsutut inissisimalinnginnermini Demokraatinut ilaasortaasimavoq.
Læs hele sagen:
-
Vittus skal samle flere underskrifter
-
Kim Kielsen udskriver valg
-
Situationen var politisk uholdbar
-
Politikkikkut killiffik atorsinnaanngilaq
-
- Atsiornerit piareerumaarpagut
-
- Jeg er klar med plan B
-
- Jeg håber det bliver 17. april
-
- Neriuppunga 17. april pissasoq
-
- Vi bliver klar med underskrifterne
-
Hans Enoksenip siusissukkut qinersinissaq pakatsissutigaa