Politik
Michael Rosingip partiissaa ilusinikkiartorpoq
Michael Rosingip partiini ilumut piviusunngussanersoq suli qulakkeerlugu oqaatigisinnaanngilaa, taamaattoq pilersinnissaanut '50 procentit sinneqqagai' oqaatigaa.
Partii talerperliuniaq naalaagaaffeqatigiinnermut akuersaarluinnartoq piviusunngulerunarpoq.
Demokraatini ilaasortaaasimasoq Michael Rong oqaatigereersimasaatut, inuit allat politikkimik suleqatigilissallugit oqalliseqatigai.
- Aap, partiiliornissaq suli sulissutigaarput, Michael Rosing Sermitsiaq.AG-mut oqarpoq.
Eqimattarlu nalunaaruteqarnissamut suli piareersimanngilaq.
- Assigiinngitsunik suli inissitassaqarpoq, Michael Rosing oqarpoq.
Tassa partiip naammassinissaa suli ungasikkaluartoq, pingaarnerit oqaatigisinnaavai.
- Partii, kalaallit danskisut oqaasillit saaffiginnittuussaaq, naalagaaffeqatigiinnermulu akuersaartuuvugut, partiiliortoq oqarpoq.
Tupaallaatissaanngitsumik partii talerperliani inissisimassaaq.
- Piviuvusunngornissaata ilimanassusaa procentilersinnaaviuk?
- 50 procenti sinneqavaa, Michael Rosing oqarpoq.
50 procentiniit amerlanerunissaat ilimanaateqarpoq. Michael Rosingimi qularutiginngilluinnarpaa, upernaami qinigassanngorteqataasinnaaneq, piffissamilu tassani partii piareersimajumaartoq.
Michael Rosingip suleqatini arlaqartut politikkimik siusinnerusukkut suliaqarsimanngitsut, aammattaaq oqaluttuaraa. Atinillu massakkut taaserunngilaq. Eqimattamilu Demokraatiniit ilaasortaajunnaarnikunik ilaqarnersut nalunarpoq.