atsiornernik katersineq

Michael Rosing nutaamik partiiliulersoq

Inatsisartuni attaviitsoq Michael Rosing partiimik nutaamik pilersitsiniarluni arfininngorpat atsiornernik katersiniarpoq.

Michael Rosing starter sin underskriftindsamling for sit nye parti, Samarbejdspartiet

Inatsisartunut ilaasortaq, Michael Rosing, siorna Demokraatinut ilaasortaajunnaarluni attaviitsunngornikoq, partiini nutaaq Suleqatigiissitsisut / Samarbejdspartiet pilersinniarlugu atsiornernik katersilerpoq.

Atsiornernik katersineq aqagu arfininngornermi Unnuk Kulturisiorfimmi aallartissaaq. Michael Rosing Inatsisartuniinniarpoq.

Taanna tusagassiuutinut nalunaarummi ilisimatitsivoq.

Partii socialliberaliusoq
Partiip socialliberaliunissaa Michael Rosing oqaatigaa.

- Soqutiginnittorpassuarnik ataatsimeeqateqarnerup kingorna, partiimi nutaami ilaatigut isumaqatigiissutigaarput, Atlantiku akimorlugu suleqatigiinnerup nukittorsarneqarnissaa, Naalagaaffeqatigiinnerup iluani, kalaallillu inuusuttortaat ataatsimut siunissatsinni pitsaanerpaanik sinaakkutinik qulakkeerinniffiginissaat, taanna erseqqissaavoq, partiip anguniagassaanik suliaqarneq ingerlanneqartoq tamatuma saniatigut ilisimatitsivoq, qinigassanngortittussanillu ilaasortassanillu isumaqatiginninniarnerit ingerlasut.

Atsiortitsinerit 900-t sinneqartut piumasaqaataasut
Atsiornernik katersineq siullermik Nuummi ingerlanneqassaaq.

- Nutaanik attaveqaatinik pilersitsiniarpugut. Nunat tamalaat aamma nunap iluani sumiuussutsit, oqaatsit aamma assigiinngissutsit akimorlugit annertusarneqarnissaat partiip sulissutiginiarpaa. Partiip tunuliaqutaasa Kalaallit Nunaanni suleqatigiinnissamik anersaap nukittunerusoq kissaatigaa, Michael Rosing oqarpoq.

Qinigassanngortitsisinnaanermut atsiornernik 942-nik katersisimanissaq piumasaqaataavoq.

Powered by Labrador CMS