Qaqortoq

Mianersuaalliorluni toqutsisutut eqqartuunneqartoq

Angut anguteqatiminut mianersuaalliorluni toqutsisimasutut Qaqortumi eqqartuunneqarpoq. Politiit toqusoq siullermik sniffernermi kingorna toqusoraat, toqutsisoqarneranilli kalerrinneqaramik ilerra qaqillugu. Aalajangiineq ingerlateqqinniarlugu aalajangerneqarpoq

Angut 22-nik ukiulik mianersuaalliorluni toqutsisimasutut Qaqortumi Eqqartuussisoqarfik Kujallermi marlunngornermi eqqartuunneqarpoq ukiup aappaani affarmi pineqaatissinneqarsimasunut inissiissarfimmiittussanngorlugu.

Taama nalunaaruteqarpoq unnerluussisussaatitaasoq Henrik Prien-Larsen, taassuma ilanngullugu oqaluttuaraa angut 22-nik ukiulik mianersuaalliorluni toqutsisimasutut eqqartuunneqarnermi saniatigut arlaleriarluni tillinniarsimasutut eqqartuunneqartoq.

Atuaruk: Qaqortumi angut toqutsisimasutut pasineqarpoq: Iliveq qaqinneqarpoq

Atuaruk: Qaqortumi toqutsisimasutut pasineqartoq tigummineqarallarpoq

Angut toqunneqartoq ilisaareernermi kingorna qaammatit marluk qaangiuttut iliverminit qaqinneqaqqippoq toqutsisoqarsimaneranut pasillernermi misissorneqarluni.

Tamanna pivoq Qaqortumi politiit toqutsisoqarsimaneranik takunnissimanerartunit attaveqarfigineqareersullu.

Angutip 22-nik ukiullip illersuisuatalu eqqartuussut Nunatta Eqqartuussisuuneqarfianut ingerlateqqinniarlugu aalajangerput.

Atuaruk: Angut inuusuttoq naamaarluni Qaqortumi toquvoq

Powered by Labrador CMS