Aningaasat tillitat
Mianersoqqussut: Nunat allamiut aningaasaat tillitat siammarsimapput
Taama mianersoqqussuteqarpoq Grønlandsbanken dollarinik euronillu qalipaataarluersimasunik tigusereerluni
Annonse
Grønlandsbanken nalunaarnera malillugu aningaasat dollarit eurollu aningaasanik assartuinermi tillitaasimanerannut takussutissartaqarput.
- Erseqqinnerusumik oqaatigalugu pineqartut tassaapput qalipaatit qorsuk, tungujortoq aammalu qasertoq aningaasani takussaammata, Grønlandsbanken ilisimatitsivoq.
- Taamaammat aningaasat taama ittut eqqumaffigilluaqquneqarput, John Jakobsen Grønlandsbankenimi pisortap tullia oqarpoq.
Grønlandsbankenip ilanngullugu nalunaarutigaa nunat allamiut aningaasaannik tillitanik tigusineq ajornini.
- Aningaasat qalipaataarluersimasut tamarmik politiinut nalunaarutigineqassapput, Grønlandsbanken kaammattuivoq.