Mianersoqqussut: Hashi aatsaat taamak navianartigaaq

Hashi qangatut ikkunnaarsimavoq. Navianarluinnalersimavoq! Taamaattumik immikkut ilisimasallit isumaqarput hashi navianartutut aarlerinartutullu isigineqaleriartortariaqartoq.

Hashi anngiortumik Kalaallit Nunaannut eqqunneqartarpoq, aatsaallu taamak sakkortutigasoq Nunatsinni illoqarfinni pingasuni misissuinerup taktippaa.

Peqqissutsimut Naalakkersuisoqarfimmit nalunaarutigineqarpoq Danmarkimit Retskemisk Institut nunatsinni illoqarfinni pingasuni misissuitinneqarsimasoq hashi aqqusinermi tuniniagaasoq misissugassarsiffigisarlugu. Tamatuma takutippaa akuutissaq tarnip pissusaanut sunniuteqartartoq THC aatsaa taama annertutigisoq.

THC-mik annertuumik akoqartoq
- Hashi maannakkut tuniniarneqartoq 28 procentit missaanni HTC-mik akoqarpoq, Peqqissutsimut Naalakkersuisoq Agathe Fontain (IA)oqarpoq.

Hashillu kimittunera suli annertusiartorpoq.

Kingullertigut paasineqarpoq hashi Danmarkimeersoq THC-mik 29 procentimik akoqartoq, taannaavorlu anngiortumik Kalaallit Nunaannut eqqunneqartartoq.

Europami sakkortunerpaaq
HTC taamak annertugitillugu tassaavoq haship Europami tuniniarneqartup kimittunersaat Det Europæiske Overvågningscenterimit (EMCDDA) akuutissanik atornerluinermillu nakkutilliivimmit nalunaarusiami inerniliisoqarpoq: Frankrigimi THC 20 procentiusoq uuttorneqarpoq, Belgiami 19 procenti Maltamilu 7 procentiinnaq.

Allaaserisaq tamaat atuaruk, taanna uani linki ataaniittoq atorlugu akiliillutit iserfigisinnaavat:

Powered by Labrador CMS