KL

DK

mianersoqqussut

Mianersoqqussut: Arlallit sikukkut nakkartut

Inuit arlallit Aasiaat eqqaanni sikukkut nakkarsimapput. Inuussutissarsiornermut siunnersortip innuttaasut maanna mianersoqquai.

Usikker is i Aasiaat
Assimi aappaluttumik nalunaarsorneqarsimasuni sarfaq sikumik mangiartuisarpoq. Tungujortumillu nalunaarsukkat sikoqannginnersaq imaluunniit siku putusinnaaffianik takussutissiipput. Sumiiffiit ilaat ulorianartut nalunaarsorneqanngissinnaapput, Adam Hansen oqarpoq.
Jørgen Shultz-Nielsen

Inuussutissarsiornermut siunnersortip Adam Hansenip innuttaasut Aasianni eqqaanilu najugaqartut sikumi angalatillutik mianersoqquai.

- Ulluni kingullerni inunnik sikukkut nakkartoqarsimammat qimussimik, pisulluni aamma qamuteralalluni pisariaqavitsinnagu aqqutinit allamut sangusoqannginnissaa kajumissaarutigaarput, Adam Hansen mianersoqqusilluni mailikkut aaqqissuisoqarfimmut allappoq.

- Aqqutinit allamut aalisariarluni allamilluunniit suliaqarluni ingerlaniaraanni tuumik nassartoqartassaaqm aammalu nammineq misilittagaqanngikkaanni sikumut sumiiffimmullu ilisimannittumik ilaqartoqartassaaq, Adam Hansen siunnersuivoq.

nunatsinnit inuiagatigiit
Powered by Labrador CMS