Aningaasaasat

Mianersoqqussut: Aningaasaasat kaaviiaartut

Aningaasaasat 100 aamma 500 koruuninut assigusut Ilulissani kaaviiaarput.

Politiit aningaasaasanut nalunaarutiginninnerit una sapaatip akunnera marluk tigusimavaat

Pitsaasumik assinik nuutsitsisoqarsimarpasippoq, tassami normui assigiissimassapput. Tassaappullu taakkua maluginiangassat pingaarnerit.

100 koruuniusaliaq ataaseq 500 koruuniusaliarlu aamma ataaseq atorlugit akiliisoqarsimavoq, taakkualu arlariinnik aningaasaasatut sananeqarsimasinnaapput.
Aningaasat ilumoortuunersut nalornissutigissagukkit aningaasamik allamik sanilliussillutit takusinnaavatit, taamatullu aningaasat tulleriinnik normui misissoqqullugit politiit kaammattuutigaat.

- Aningaasaasaq 100 kr.-neq tulleriinnik normoqarpoq B O152 G (ataani teqeqqumi talerpillermi ikaartarfiupassitaata ataani).

- Aningaasaasaq 500 kr.-neq tulleriinnik normoqarpoq A G122 D (ataani teqeqqumi talerpillermi ikaartarfiupassitaata ataani).

Politiit aningaasaasat tigusimasaat, ilumoortunik aningaasaniit asinganerupput, taamatullu aningaasami ilumoortumi naqinnera ersarinnerulluni.

Politiit innuttaasunut kaammattuipput aningaasat akiliutigineqartut pisinerminni imaluunniit allatut maluginialaassangaat.

Aningaasaasanik tigusaqarsimangaanni ingerlaannaq Ilulissani politiit attavigineqarsinnaapput oqarasuaammut 701422-mut.

Powered by Labrador CMS