Seksuel chikane

#metoo Nunatsinni siammarterneqartoq

Arnat arneriffiginiarneqarsimasut saqqummerlutik oqaluttuarlutik tapersersortissarsiornerat maanna Nunatsinni peqataaffigineqaraluttuinnarpoq.

Arnaanerusut amerliartuinnartut arneriffiginiarneqarsimallutik imaluunniit pinngitsaalineqarsimallutik saqqummerlutik oqaluttuarput.

Nunarsuaq tamakkerlugu tapersersortissarsiorneq #metoo peqataaffigaat, tassani inuit attaveqatigiittarfiisigut ajornartorsiutip annertussusaa takutinniarneqarpoq.

Tapersersortissarsiorneq Hollywoodimi filmiliornermik ingerlatsisup Harvey Weinsteinip arnanut amerlasuunut isiginnaartitsisartunut arneriniartarnerata saqqummiunneqarnerani pivoq. Suliap isiginnaartitsiartut amerlasuut saqqummersippai, tamatumalu kingorna arnat angutillu tamarmik arneriffiginiarneqarlutillu anguseriffiginiarneqarsimasut #metoo-mik allaqquneqarput.

Nunatsinni Inatsisartunut ilaasortaasimasoq maannalu Pinerluttunut Isumaginnittoqarfimmi pisorta, Naaja Nathanielsen taamaaliorpoq. Aamma naalakkersuinermik suliaqarsimasoq alla, Juliane Henningsen Facebookimi taama allassimavoq.

Powered by Labrador CMS