Mersortarfiup matuneqarnerani qisuariaatit

Sapaatip-akunnerata ingerlanerani KNR-ip oqaluttuarneratut, Great Greenlandip Qaqortumi mersortarfitsik matuniarlugu aalajangerpoq.

Mersortarfinnit nunanit tamalaaneersunik unammilleqateqarneq Great Greenlandimut annertuallaalersimasoq, pisortaq Lars Berg, taanna ullumikkut sisamanngornermi Qaqortumi ammerivimmi soraartoq, ullaaq siulersuisuni siulittaasup Bruno Olesenip nalunaarutigaa.

Atuaruk: Great Greenlandip pisortaa soraarpoq

Akuersaarneqarsinnaanngitsoq
Kommune Kujallermi Inuussutissarsiornermi Suliffissaqartitsinermilu ataatsimiititaliami siulittaasoq, Simon Simonsen (S), mersortarfiup matuneqarnissaa akuersaarneqarsinnaanngilluinnartoq isumaqarpoq.

- Sulisut maanna soraarsitaasussanngortut aalajaallutik sulisimagaluarput, nunatsinnullu nittarsaassilluarlutik, taanna tusagassiuutinut nalunaarummi allappoq.

Atuaruk: Great Greenlandip unammillernini taamaatippaa mersortarfillu matullugu

Politikkikkut qisuariarneq
Aalajangerneq politikkikkut tunuliaquteqarnersoq taassuma paaserusuppaa.

- Mersortarfiup matuniarneqalernera ilisimaneqarsimava? Tamanna politikkikkut aalajangiinnermik tunuliaquteqarpa?, Simon Simonsen ataatsimiititaliaq sinnerlugu aperivoq.

Taamaattumillu taassuma neriuutigaa, qinikkat allat ammerivimmi mersortarfiup matuneqarnera qisuariarfigissagaat.

Aamma atuakkit:

Ammerivik sisamanik soraarsitsivoq - kantiina matuaat

Great Greenlandimi sipaarniartoqalersoq