Arsaannermi GM
Mellemrundemut marluk pisinnaajunnaarput
Arsaannermi GMip naggataarneqarnissaanut inissat marluk Maniitsumi pingasunngornermiit unammissutigineqassapput
Angutit arsaallutik pissartanngorniunnissaannut anngunniulluni Maniitsumi mellemrundep aallartinnissaanut ulloq unnuarlu ataaseq sioqqullugit pisinnaanngitsut marlunngorput. Tassaapput SAK Sisimiuniik aamma GSS Nuummik. Iligiit tallimaasut inissat marluk unammissutigisussanngorpaat.
Mellemrundemi peqataasussat tassaalerput B-67 aamma IT-79 Nuummiik, Kâgssagssuk Maniitsumiik aamma S-68 Sisimiuniik. Maanna mellemrundemik aaqqissuisut Kâgssagssuk utaqqiinnarpaat IT-87 Sisimiut eqqaanni Itillimiik SAK paarlallugu peqataasinnaassanersut.
Marluk anngutissapput
- Unamminissat tulleriiaarnerat piareeqqavoq maannalu tassa IT-87-ip peqataasinnaaneranik nalunaartoqarnissaa utaqqiinnalerparput, Nuka Berthelsen Kâgssagssummiit Sermitsiaq.AG-mut oqarpoq.
Nuummi GM-ip aggustip sisamaaniit pinissaanut iligiit tallimat anngutereerput. Kujataani inissaq ataaseq uanmmissutigaat unamminerillu kingulliit marlunngornermi pipput. Maniitsumi mellemrundemiit pingasunngornermit aallartittussamiit marluk anngutissapput.
Anngunniunnerni angusat Sermitsiaq.AG-mi saqqummiunneqarumaarput.