atinut inatsit
Meeraq qanoq ateqassava?
Meeqqap qanoq ateqarnissaanut inatsisip atuuttup sinaakkutai iluarsaanneqassapput
Naalakkersuisoq Doris J. Jensen, Demokraatineersumut Randi Vestergaard Evaldsenimut akissummi taama ilisimatitsivoq.
Inatsit nutarterlugu aallarnisarneqalersoq
- Naalakkersuisut danskit oqartussaasui suleqatigalugit inuit aqqi pillugit inatsit nutarterlugu aallarnisarpaat. Tassunga atatillugu inuit aqqi pillugit inatsisip iluarsaanneranut inassuteqartussamik inatsimmut piareersaasussamik ataatsimiititaliamik pilersitsisoqarpoq. Inuit aqqi pillugit inatsisip iluarsaannera sapinngisamik annerpaamik kalaallit nunaanni pissutsinut naleqqussarneqassaaq, Doris J. Jensen allappoq.
Naalakkersuisut inatsit allanngortissinnaanngikkaat, ilaqutariinnut inatsiseqarnermut tunngasut ilagimmatigit, danskit inatsisiliorsinnaatitaanerannut atasuullutik, taanna ilisimatitsivoq.
Aapparisat aqqi
Suliami maanna ingerlasumi aamma katinnermi malittarisassat sorliit atuutissaneri misissorneqarniarput, aapparisallu aqqi sorliit pineqarsinnaanersut.