nuummi ernineq

Meeraq normu 500 kisimiilluni nunarsuarmut pinngilaq

Pingasunngornermi unnukkut ilaqutariit Kreutzmann-Biilmanikkut nukappiaqqanik marlunnik ilapput. Sisamnngornermilu politikerimit naartoorsuarmit pilluaqquneqarput

Koorit nissit nasaannik imaqartut ilaqutaariinnut pilluartunut peqqissutsimut naalakkersuisumit, Doris Jakobsenimit tunniunneqarput

Ukioq nutaaq sioqqullugu Kalaallit Nunaat kisitsimmik akunnaatsumik angusaqarpoq, tassami ukioq manna meeqqat inunngortut normu 500 amma 501 Nuummi inunngoqqammerput.

Angajoqqaajusut tassaapput Susannguaq Biilmann aamma Bent Sommer Kreutzmann.

Ilaqutariit Ilulissaneersut meeraqarluareerput, tassa marlulissat angajortaarput marlunnillu aleqaqartaarlutik.

Minutsit 21-t akornanni
Taakku nukappiaqqat marluk, marluliaasut, pingasunngornermi unnukkut Dronning Ingrid Napparsimmavissuani nalunaaqutaq 19:45 aamma 20:06 inunngorput.

Ullumi sisamanngornermi ernisussiortup tulluusimaartup, Katsi Møller Hansenip, peqqissutsimut naalakkersuisoq pilluaqqusiartorluni ernisarfimmut pulaartoq koorinillu marlunnik tunissuteqartoq ammaappaa.

Qatanngutigiiaqqanut marlunnut koorimi ilaatigut nissiaqqat nasaannik Namminersorlutik Oqartussat tunissuteqarput.

Atuaruk: Kalaallit amerlassusaat eqikkiartorpoq

Naalakkersuisut pilluaqqusipput
Siumumi politikerip meeraq normu 500 nukaalu tikilluaqquai.

- Ilaqutariit pilluaqquagut. Aammalu Dronning Ingrid Napparsimmavissuanut annertuumik nersualaarinnittariaqarput, ullut tamaasa arnanik ernisunik tigusisartunik, Doris Jakobsen oqarpoq.

- Meeqqat tamarmik assigiimmik pingaaruteqarput. Erninerit tamarmik qularnaatsuutinneqassapput. Naalakkersuisut anguniagaraa, meeqqat toqungallutik inuusartut ikitsuutinnissaat aammalu appartinnerunissaat.

Juullimi ernissasoq
Doris Jakobsenip erninermini nammineq meeraq normu 500 inunngortissinnaagaluarpaa. Taanna naartoorsuartoq ersarippoq.

Taanna panissaassaaq, meeraasa pingajussaat, decemberip 25-anut killeqartoq utaqqineqarpoq. Sulinngiffeqqarfiup nalaani ernissagami naalakkersuisuni ilaasortap erninermi sulinngiffeqarnissani naatsorsuutiginngilaa.

Powered by Labrador CMS