se billeder

Meerannguit qaaginnarlik

Naalagiarneq akueriuminarnerulersinniarlugu Nuummi Hans Egedep Oqaluffia sapaammi meeqqanut tamanut assigiinngitsunik sammisassaqartitsivoq

Hans Egedep Oqaluffiani meeqqanik naalagiartitsineq.
Hans Egedep Oqaluffiani meeqqanik naalagiartitsineq. Toke Brødsgaard Toke BrødsgaardHans Egedep Oqaluffiani meeqqanik naalagiartitsineq. Toke Brødsgaard Toke BrødsgaardHans Egedep Oqaluffiani meeqqanik naalagiartitsineq. Toke Brødsgaard Toke Brødsgaard

Nuummi palaseqarfik sapaammi ualikkut Hans Egedep Oqaluffiani meeqqanut aaqqissuulluagaasorujussuarmik naalagiartitsivoq. Naalagiartitsineq sutigut tamatigut meeqqanut naleqqussagaavoq, oqaluussissutigineqartullu erseqqipput naalagiartitserpalaarnatik.

Sapaatip-akunnerani aggersumi aqqusinerni saliinissaq eqqarsaatigalugu ullormut sammisatut qulequtarineqartoq tassaavoq avatangiisinik mianerinninneq igitassanillu tigusisarnissaq. Tamanna aallaqqaammut isiginnaartitsissuteeraq aqqutigalugu takutinneqarpoq, tamatumanilu oqaluttuaq atuarneqarluni titartakkallu quianartut takutinneqarlutik. Tamatuma kingorna meeqqat tamarmik eqqakkanik oqaluffiup torsuusaanut eqqarneqarsimasunik katersinermut ikiuupput.

Naalagiarneq minutsinik 20-nik sivisussuseqarpoq, tamatumalu kingorna meeqqat poor'lunik kakaomillu sassaallerfigineqarlutik. Meeqqat 15-20-t missaanniittut siullermeernermi najuunnerat tunngavigalugu naalagiartitsineq palasimit Minna Winsløwimit iluatsilluartutut nalilerneqarpoq tullissaanillu meeqqanik naalagiartitsinerup qaqugu pinissaata ungasinngitsukkut nalunaarutiginissaa neriuutigineqarluni.

Palasit Minna Winsløw aamma Maannguaq Dalager pattattorlu naalagiaqatigiinnermi najuupput. Meeqqat tamarmik nuannersuarmik misigisimaqarsimanerminnik ersersitsipput. Oqariartuut meeqqanit ilassilluarneqarpoq, ukioqqortunerumaallu naalagiaqatigiinnerup kingorna oqaluffiup silataani saliinissamut eqqakkanillu katersinissamut piareersimapput.

Powered by Labrador CMS