pilluaritsi
Meeraaqqanut siunnersortit 20-t
Meeraaqqanut siunnersortit nutaat 20-t Peqqissaanermik Ilinniarfimmi ilinniakkaminnik nammassinneqqammerput
Meeraaqqanut siunnersortinngorlaat 20-t Peqqissaanermik Ilinniarfimmik ilinniarnerminnik aggustip 20-ani naammassinnipput.
Meeraaqqanut siunnersortitut ilinniagaq immikkoortukkuutaarlugu aaqqissuussaavoq tallimanillu, ukiup ataatsip ingerlanerani ingerlanneqartartunik, immikkoortortaqarluni. Ilinniagaq Danmarkimi Psykologiselskabet Toftemosegård suleqatigalugu neqeroorutigineqartarpoq.
Ilinniakkami meeraaqqap pisariaqartitai ineriartorneralu sammineqartarput taamalu meeqqap toqqissisimanartumik peroriartornissaanut qulakkeerinneqataalluni.
Peqqissaanermik Ilinniarfimmi ilinniakkap soqutigineqarluarnera nuannaarutigineqarpoq, tallimanngornermilu aggustip 21-ani ilinniartunik nutaanik 22-nik inuttalinnik aallartittoqareersoq, ilinniarfimmit paasissutissiissutigineqarpoq.