Kangaatsiaq

Meeqqeriviup ungasinngisaani nanoq pisarineqartoq

Kangaatsiami nanoq meeqqeriviup eqqaaniimmat illoqarfimmi piniartut aggersarneqartariaqarsimapput. Taanna tallimanngornermi ualikkut pisarineqarpoq.

Kangaatsiami ullaap tungaani nanoq pisarineqarpoq

Sermitsiaq.AG-p piniartoq Villads Themothæussen, Pavia Siegstad aamma Nikolaj Steenholdt peqatigalugit nannuttoq oqaloqatigaa.

- Illoqarfiup eqqaani nanoqartoq VHF-radiokkut nalunaarfigineqarpugut. Sukkanerpaamik aallaasigut aallugit angerlamut arpappugut. Kingorna heliportimut toqqaannaq ingerlavugut, nanorlu tassani sikumiittoq takuarput. Nanoq 100 meterisut ungasitsigipajaartumit aallaavara, Villads Themothæussen oqaluttuarpoq.

Illoqarfiup meeqqerivia nannup aallaaneqarfiani 150 meterisut ungasitsigisumiittoq taanna ilisimatitsivoq, kisianni qujanartumik nanoq inunnik upassisimanngilaq.

- Nanoq sisamanngornerup unnuaani illoqarfimmi takuneqarsimasoq innuttaasunit tusarpara, aamma qimmit eqqaaniissimasoq, taanna oqarpoq.

Villads Themothæussen aatsaat siullermeerluni nannumik pisaqanngilaq.

- Nannulluni misigisaq nuannerporaasit. Nannup aallaareernerata kingorna inuppassuit aggiapput, nanoq aattoreerparput, Villads Themothæussen ilisimatitsivoq.

Powered by Labrador CMS