Ilulissat
Meeqqerisut killissamik qaangiisut
Ilulissani peqqinnissaqarfimmi meeqqerisut inatsisit uniorlugit angajoqqaat qitornamik peqqissusaannik misissortinnissaannut takkutinngitsut tatiniarsimavaat. Nunatsinni nakorsaaneq suliamut akuliussimavoq
Meeqqat peqqissusaannik misissuinissamut akiuussernissaannullu angajoqqaat takkutinngitsut Ilulissani napparsimmavimmi meeqqerisunit siorasaarneqarsimapput isumaginninnermut oqartussat akuliutsinneqassasut. Allakkalli taakku meeqqerisut atortussaajunnaarsippaat Nunatsinni nakorsaaneq suliamut akuliutereersoq.
Inatsisartut ilaqutariissutsimut peqqissutsimullu ataatsimiititaliaanni siulittaasoq Tillie Martinussen qulanngivippoq angajoqqaanut allakkat inatsisinik unioqqutitsinerusut.
Inunnik Isumaginnittoqarfimmut nalunaarutiginninniaraluartoq
Peqqissutsimik misissuinissamut akiuussusertinnissamullu takkussimanngitsunut allakkat Ilulissani peqqinnissaqarfimmi meeqqerisunit majip arfernat nassiunneqarput.
- Kingumut takkutinngitsooqqissagaluarussi, allatut ajornartumik Inunnik Isumaginnittoqarfimmut nalunaarutigisariaqassavassi, allakkani AG-mit pissarsiarineqartuni allassimavoq taakkulu Nunatsinni nakorsaanermut Henrik Trykkerimut Inatsisartullu ilaqutariinnermut peqqissutsimullu ataatsimiititaliaanni siulittaasumut Tillie Martinussenimut aaqqissuisoqarfimmit ingerlateqqinneqarput oqaaseqarfigitinnissaat siunertaralugu.
Sioorasaarisoqaqqusaanngitsoq
Taassuma erseqqissarpaa oqaaserisani nammineq akisussaaffigalugit pisoq ataatsimiititaliami suli eqqartorneqarsimanngimmat.
Peqqissutsimulli misissortinnissamut akiuussusertinnissamullu ilitsersuummi erseqqissumik allassimavoq ilaqutariit nammineq piumassutsiminnik aatsaat qitornatik peqqissutsumut misissortillugillu nappaatinut assigiinngitsunut akiuussusertissinnaagaat.
- Isumaginninnermi oqartussat akuliutsinneqarnissaannik peqqinnissaqarfik pinngitsaaliilluniluunniit siorasaaruteqarsinnaanngilaq angajoqqaat arlaanni peqquteqartumik qitornani misissortinngippagu akiuussusertilluguluunniit, Tillie Martinussen meeqqerisut allagaat takoreerlugit oqarpoq.
Allaaserisaq tamaat uani sapaatip-akunnerani AG-mi saqqummertumi atuaruk. Aviisi aamma uani pisiarisinnaavat: