assammik arsarneq
Meeqqat unammiuaarneranni holdit makkua peqataassapput
Maajip ingerlanerani Brugseni Børn Cup Nuummi marloriarluni ingerlanneqassaaq
Nuummi assammik arsarluni unammiuaarneq Brugseni Børne Cup timersoqatigiiffiup GSS-ip aaqqissuutissavaa.
Niviarsiaqqanut nukappiaqqanullu U12-inut 2003 - 2004-mi inunngorsimasunut børne cup siulleq ingerlanneqassaaq Inussummi sisamanngornermi maajip 5-anniit sapaammi maajip 8-annut.
Peqataasussat tassaapput N48 Ilulissaneersoq, SAK aamma S68 Sisimiuneersut, Aqigssiaq Maniitsumeersoq aammalu NÛK GSS-ilu Nuummeersut.
Børne Cupip tullia
Brugseni Børne Cup tullinermi unammiuaassapput niviarsiaqqat nukappiaqqallu U10-t, 2005 - 2006-imi inunngorsimasut, tamannalu Inussivimmi ingerlanneqassaaq tallimanngornermi maajip 13-ianniit, finalillu ingerlanneqassallutik sapaammi maajip 15-ianni 2016.
Tassanilu peqataatitaqassapput SAK aamma S68 Sisimiuneersut aamma NÛK GSS-ilu Nuummeersut.
Aaqqissuussisut GSS-ip nalunaarutigaa assammik arsarluni børne cup siusinnerusukkut 1995-imi ingerlanneqarsimasoq.
– Meeqqanik unaammiuaartitsilluni naapisimaaqatigiissitsinermi siunertaavoq ikinngutigiinnerup, ineriartornerup imminullu tatiginerup siuarsarnissaat, meeqqanut inuusuttunullu pingaarnerpaanngimmat ajugaanissaq, GSS tusagassiorfinnut nalunaarutikkut allappoq.